Mi Tampi An Um

April  4

Nipi Ni

Mi Tampi An Um

Siar:

Tirhthlah 18:1-11

“Na hnenah ka um a si. Zohman in harnak an lo pe thei lo ding, ziangahtile hih khua sungih mi tampi cu ka minung an si,” tiah a ti.

– Tirhthlah 18:10

Kumkhat Sung Baibal:

–    Ruth 1-4

–    Luka 8:1-25

Thosaal Nipi Ni (Easter Sunday) zinglam nazi 7:00 ah New York khuapi Nisuahnaklam Harden ih Jimmy Diner dawr ah keimah lawng ka to. Culai ah pakhat pa ka cabuai ah a ra ih, “Tho ttha maw! Pathian in lo thluasuah seh,” i ti ih a gospel cahnahte a taanta hnu ah zamrang te’n a suak saal. A tettikhan micu  lungkimzet in ka hni. Pathian in hmunkip ah Amah milai pawl a ret ti ka thei. Cuih zaan ah kan fanu Debbie thawn mino 300 hrawng thathozet ih an pum- khawmnak Biakinn ah kan va khawm. Thlarau thimnak ti ih an ruahnak hmun ah Khrih duhdawtzet ih an khawmnak cu midang hrangah tleunak tumpi a si.

Kum zabu 100 lai ah Paul cu sualnak le bum awknak ih hminthang a simi Korin khua ah a tlawng. Jesuh cu Messiah a si ti thu a sim ruangih dodalnak a ton tikah Pathian in, Paul ih vision sungah “Ttih hlah, sim ko aw, na beidong hlah! na hnenah ka um, zohman in an lo tuahmawh lo ding, ziangahtile hih khua sungih mi tampi cu ka minung an si,” a ti (Tirh. 18:9-10).

Khuitawk hmun ih kan feh khal ah Pathian milai pawl an um. A tho saal mi Khrih Jesuh cu Amah theitu pawl hnenah a um ringring. Bawipa in tuih sun na umnak ah a minung pawl a ret. Hawl hngai awla an hnenah tel ve aw.

Khrih cu a tho saal taktak zo, Hallelujah! Amen. – David McCasland

Khristian pawl hmunkhat ih pawlkomnak cu,

Jesuh thawh saalnak theih hngilh lonak;

Hmunkhat ah lungrual te’n pehtlaihnak an nei,

Jesuh an zumnak cu a dikmi pehzomnak in a lang. – Hess

Tuih sun ih na umnak ah Pathian in a minung pawl a ret.

?

(Visited 23 times, 1 visits today)

Comments

comments

Comments

%d bloggers like this: