Mi Siatsuah Thei Ttongkam

September 23

Tlawngkai Nili

Mi Siatsuah Thei Ttongkam

Siar:

Thufim 12:17-12

Ruahnak nei cuca lo ttongkam cu kawlnaam vekin thukzet in mi a sun, asinan mifim ttongkam in hma a damter.    – Thufim 12:18

Kumkhat Sung Baibal:

–    Esther 9-10

–    Tirhthlah 7:1-21

Thufim ngantu in mi-aa ih ttongkam cu kawlnaam vekin thukzet in mi a sun (Thufim 12:18) a ti. Kan ttongkam cu kap tampi a neimi Swiss raalkap naam vekin pakhat le pakhat kap tampi saat aw in kan siatsuah aw thei.

A harhdam lomi lungput ihsin a suakmi thinhennak, aithawhnak, diriam lonak, ngaithiam thei lonak, beidongnak, donharnak, mawhthluknak, thinphannak tivek pawl in mi a siatsuah theimi ttongkam a suahter. Kan ttongkam in kan saat tan awk tikah hma kan pu ih rualpi sinak le pehtlaih awknak an catter. Pathian ih a fihmi thil pasarih lakah unau pawl lakih harsatnak a suahpi ttheutu pa, timi a tel (Thuf. 6:16-19) hi mangbang ding a um lo.

Hih sualnak pawl hi ziangti’n kan hrial thei ding? Kan ttongmi kan raalrin a ttul. Mi thurel le mi thangsiat, mi damtertu si loin mi nattertu ttongkam pawl hlon ding. Porh awknak, thuphanper, mi thin nattertu le mi tthentthektu ttongkam pawl cemter a ttul. Duhdawtnak, ngaidamnak, lainatnak le thudik in kan ttongkam le pehtlaih awknak ukter sawn ding. Netabik ah Jesuh in ngaidamnak, duhdawtnak le zaangfahnak ttongkam kan hrangah ttongta lo sehla nang le kei hi khui ah kan um ding?

Curuangah na naamsau kha hlon hlo awla na ttongkam cu mi bomnak le mi damternak ah hmang aw.      – Joe Stowell

Bawipa, ka hmur ah tacik khen aw,

Raalring te’n kilkhawi thei dingin i bawm aw;

Ka simmi thu le zamrang ih ka nolh saalmi,

Maw ka lei, raalring aw!    – Bosch

Kan ttongkam cu saktuah theinak le

tthiatbal theinak huham a nei.

(Visited 18 times, 1 visits today)

Comments

comments

Comments

%d bloggers like this: