Mi Ralttha Taktak

March 16

Tlawngkai Nihnih

Mi Ralttha Taktak

Siar:

Johan 3:22-30

“Amah cu a tthangso dingih kei cu ka ttumsuk ding,” tiah a ti.

– Johan 3:30

Kumkhat Sung Baibal:

–   Daanpeksaalnak 28-29

–   Marka 14:54-72

Louis B. Neumiller cu tthatnak hrangih a pumpek awknak, a dingfelnak le a tangdornak ruangah a hmin a thangzet. 1941-54 kum ah leivawr nortu Caterpillar Tractor company ah hotu a ttuan. Leitlun Raalpi Avei (2) nak (World War II) lai ih leilung siatsuahmi pawl rem ttha saal dingin a zuam nasa. “An sanlai: Kum zabu 20 ih sumdawnnak lam hruaitu hminthang pawl,” timi cabu a ngantu Mayo le Nohria in mi a hruai daan hiti’n an ngan: “Tlang-au saknak um lo ih hlawhtling,” an ti. Hminsin tlak mi thupi a sinak cu amah hnakin a company sawn hi mi ih uarmi siter a duh.

Himi pa vekin mai’ hrangih lamzin sial lotu baptistma petu Johan kan hmu. Messiah hrangih lamsialtu men a si thu atu le atu a sim. Johan ih dungthluntu pawl in, Jesuh in tihnimnak a pe ih mi tampi in an thlun tiah an sim tikah, “Kei cu Khrih ka si lo, Amah hlan ih thlah sungmi ka si. Amah cu a tthangso dingih kei cu ka ttumsuk ding,” a ti (John 3:28,30).

Khrih dungthluntu kan si vekin kanmai’ sunlawinak hawl sawn loin Khrih kan cawisang maw? Kan tuahmi le kan pekmi theih sak lo kan si hmanah thanau loin Bawipai’ hmin sunlawinak dingah kan tuah ti thei in lungawi sawn ding kan si.

Amah sunloih cu a ropitnak hmuhsaknak a si.

Thlacamding:

Bawipa tangdor thei ding in zirh aw,

Ka lungthlitum cu ka tuahmi le ka ruahnak zate’n;

Nangmah upat sunloihnak,

Duhdawtnak le cawisaannak si hram seh, Amen.

Christian mi maksak cu a nun ah

amah le mah fateterin Pathian kha thupitertu a si.

(Visited 26 times, 1 visits today)

Comments

comments

Comments

%d bloggers like this: