Mi Hmuh Lo Hnattuantu

April 14

Tlawngkai Nithum

Mi Hmuh Lo Hnattuantu

Siar:

Rom 12:1-10

Kan ruangpi hi pakhat asinan taksa tthen tampi an um ih cuih taksa tthen pawl ih hnattuan cu an bang aw lo.   – Rom 12:4

Kumkhat Sung Baibal:

–   1 Samuel 25-26

–   Luka 12:32-59

Ka kut-tin pawl ka ceimawilai ah ka vorhlam kut ka zoh ih ka zaang a fakzet. Hna tambik ttuantu asinan ka kehlam kut sawn in tuamhlawm le ceimawinak tam deuh a ngah. Ka vorhlam kut in ka kehlam kuttin pawl tinsen sii mawizet in a hnih, asinan ka kehlam kut cu thil tuah a thiam lo ruangah tthate’n a tuah sak thei lo. Ka vorhlam kut ih tinsen sii cu a rual aw lozet ttheu. Vorhlam kut hi ttha sawn in hna a ttuan na’n kehlam kut in ttha deuh ih tuamhlawm le upat a co.

Ka kut-tin ka tuamhlawm awklai ah, thu pakhat ka ruat suak. Kan kawhhran sungah mi tampi cu hnattuan thiamzet an si ih anmah ruangah midang pawl mit-hmai an neihter. Asinan hih hnattuan cakzet pawl cu theih an si lo. Hivek in hna ttha te’n a ttuantu pawl lom an co lo cu attaza lo a bang.

Asinan tangdornak thinlung nei zumtu pawl cun, cutivek in an ruat lo. Midang pawl an sunsak ih hmaizahnak an pek (Rom 12:10). Ziangahtile midang ih an hmuh lomi Pathian in a hmuhter hngai ih laksawng a pek hngai ding ti an theih ruangah a si (Matt. 6:4,6,18; 1Kor. 12:24).

Harzet ih hna na ttuanmi midang in hlawknak an ngah maw? Na thanau hlah, Pathian in, “mi hmuh loin” hna a ttuantu cu leitlun ah hmuh thei in a ttuan man a pek ding a si.  – Julie Ackerman Link

Pathian hrang kan ttuanmi cu,

Mi ih lom tlak lo a si men ding;

Hmanseh Bawipai’ hmai kan din tikah,

Ttuan man in pek leh ding. – Sper

Khrih hrang ih hna zianghman a ttuan lotu cu,

Amah in a theihpi ve lo.

(Visited 29 times, 1 visits today)

Comments

comments

Comments

%d bloggers like this: