Mi Damtertu Pa Ralttha

June 6

Nipi Ni

Mi DamtertR Pa ralttha

Siar:

1 Peter 3:8-17

Zohman ttih hlah; na don khal har hlah.    -1 Peter 3:14

Kumkhat Sung Baibal:

2 Sansiarnak 25-27

–   John 16

R

aalkap senhnih Desmond Doss cu US Hlutdaw ih pekmi ralkaplam ih a sangbik upatnak tacik laak dingah eltu a pakhatnak a si. Doss cu Jesuh Khrih thluntu a si vekin mi-thah cu a dik lo tiah a ruat na’n ram hrangah siibawi hna ttuan in pumpek a duh ve ruangah raalkap a lut. Meithal kap ding a el tikah siseh, Bible a siar tikah siseh, zaan ih thla a cam tikah siseh, a rualpi pawl in an zawmtai ttheu.

A Veihnihnak Leitlun Raalpi (WWII) lai ah 1945 kum May thla ih Okinawa ih do awknak ah hliamhma a pumi raalkap tamzet a ruun hngai. Amah ih himnak ruat loin midang a ruunnak parah upatnak a co ih a ruun mi pawl lak ihsin a nungtu le ahlan ih amah rak zawmtaitu pawl khal in a parah an lung a awi.

Paul in, dik lozet ih miih sual hawltu pawl kha ttih lo dingin Khristian pawl a forh hngai. “A tthami tuah ruangah harsatnak tong hman cila ziangtluk mi lungawi so nan si! Zohman ttih hlah uh; na donhar hlah uh. Nan thinlung in Khrih cu ttihzah uhla Bawipa ti’n upat uh. Nan thinlung sungih nan pommi nan ruahsannak kha a lo suttu pakhatkhat an um ahcun an thusuhmi let thei dingah ralring cia in um ringring uh,” (1Peter 3:14-15) a ti.

Jesuh Khrih a ralsan ttheutu le hliamhma a tuartertu kan leilungpi ah Pathian ih duhdawtnak langter uhsi! – David McCasland

Raal pawl duhdawt dingin simmi kan si,

Atu kan nunnak ih kan tonmi;

A tlak lo mi pawl hnenah duhdawtnak langter cu,

Pathian ih zaangfahnak phuanlang a si.- Bosch

Tthatnak kha tthatnak ih lehrul cu minung taa a si;

Siatnak kha tthatnak ih lehrul cu Pathian taa a si.

(Visited 23 times, 1 visits today)

Comments

comments

Comments

%d bloggers like this: