MI BUM IH NUNG

 

January 4

Zarhpi Ni

 

Mi Bum ih Nung

 

Siar:

2 Timote 3:10-17

 

Ca Thianghlim cu Khrih Jesuh na zumnak sungin rundamnak ah a lo thlentu,

fimnak a lo petu a si.   – 2 Tim. 3:15

 

Kumkhat sung Baibal:

          Seemtirnak 10-12

          Matthai 4

 

2007 cu S. Korea ram hrang ahcun, “Bumnak ih nun kum” tiah hmin an sak, ziangahtile zirhnak dik lo le Naingnganzi tama ttha lo an ram ah tampi an um. Phunsang tlawng zirhtu 340 pawl in cumi kum a tawinak ih kawh ding hrangah Tuluk ttongfang an hrilmi cu, “Ja-gi-gi-in” timi “Nangmah le midang bum” ti a si.

 

Bum awknak hi mangbang ding kan si lo. Paul in, “Mi ttha lo le mi hrokhrawl pawl cu a sialam an pan vingvo ding; mi an bum vingvo dingih anmah khal bum an si ve ding,” (2Timote 3:13) a ti. Mibum timi cu a dik lo mi kha a dik vek ih zumter le pomter kha a si.

 

Bumnak ihsin kan kilhim awknak ding cu Pathian thu theih hi a si. Ziangruangah? Baibal cu Pathian thawkkhummi a si ih thutak zirhnak, zirhsual simhrinnak; a sualmi rem saalnak ah le dingte ih nitin nunnak ih zirh awknak ah a ttha (2Tim. 3:16). Rem tthat saalnak timi cu a sual ciami a dik ih tuah saal, le khihhmuhnak timi cu a dikmi theihter khi a si.

 

Tuih Kum Thar 2009 ah Pathian le midang hmai ih tuahsuak na duhmi ah thil ttha phunzakip tuah dingah thuam famkim neimi na si maw? (c.17). Pathian Ttongkam – Baibal siar awla na nun ah hmang aw, cuticun dingfelnak nei mi si dingah Pathian hnenah dil aw.

 

Baibal siar tikah ruah tthat a ttul,

Lennak ro thuhmi hmu ngah dingah,

Thu pakhat hnu pakhat in ruat aw,

Cuihsin Pathian ttihzahnak thawn nun pi cih aw.

 

Pathian Thu na ruat tam asile sualnak na do neh thei sinsin ding.

Comments

comments

Comments

%d bloggers like this: