Mi Bawmtu Kut

October 14

Tlawngkai Nili

Mi Bawmtu Kut

Siar:

Thufim 31:10-20

“Mi farah le mi nunhar hnenah a tirh a siangzet.” Thufim 31:20

Kumkhat Sung Baibal:

Isaiah 43-44

1 Thess. 2

1930 lai ah, rang tlan zuam awknak hnattuan ih pumcawm awtu Johny Longden cu rang tlan zuam awknak ih a tel rerolai ah hngongh a tuar ih khatlam kap ah tlu in a tlai piangpi. A dung ih a rami rang tlan zuamtu pakhat in a hmuh tikah a rang parah a hun toh rem saal tum nain vansiat ah a thasuah a luan deuh ih Johnny cu khatlam kau ah a tlai piangpi lala. A dung ihsin a rami rang tlan zuamtu dang pakhat cun a rang a cawlhter ta hnu ah Johny cu a rang parah ttha te’n a hun toter saal. Mangbangza in Johny in cuih rang tlanzuam awknak ahcun laksawng a ngah tariai ee. Cuih thu cu thuthangca pakhat in, “A cang thei hrimhrim lo bikmi thil” ti’n a ngan. Bawmtu pawl ih bomnak kut in Johny cu thihnak ihsin an ruunsuak ngah lawng si loin rang tlan zuam awknak ih laksawng ngahtu si thei tiangin an bawm.

Zumtu kan si bangin kannih khal kan kut hi midang bomnak hrangah hmang ding kan si ve. Thufim 31 ih nupi tthatthum ih thu ka siar: “Mi farah pawl bawmtu, nunhar pawl tlun ih tirhsiangtu” a si ti’n (c.20). Kum reipi a si zo nain hivek nunau ih duhdawt lainatnak le zumfeknak in nunau le mipa tampi ih tha a thoter. Hih nupi tthatthum in zumtu pawl cu midang pawl parah zaangfah lainatnak nei dingih zirh mi kan si ti ciingmang saal dingin in bawm.

Harsazet ih nungmi le harsatnak sungih a tlami tampi in nangmah le keimah ih bomnak an ttulzet. Na nunnak ah na bawm ttul mi zo a um?    – Dennish Fisher

Pathian na zumnak cu a dik ti thei in,

Nautabik parih zaangfahnak na neihnak vekin;

Zumnak in duhdawt le bomnak,

Thlacamnak sungin hna a ttuan.    – Hess

Pathian in A mi bomnak cu milai kut in a langter ttheu.

Comments

comments

Comments

%d bloggers like this: