Mexico Ram Ah Thah Awk Nak A Tam

Mexico ram saklam khawpi pakhat Monterrey ah mithi ruang lutan bulmi 49 sar a si. ralkap hotu pawlin an sim nakah  lamzinpi kapih mithi ruang sarmi pawlhi mipa 43 leh nunau 6 an si tiah an simih, hi mithi pawl kan thahmi a si tiih  puangawtu rit theihthil ih sumdawng pawlkom  pakhat Zeta pawlih an mithah mi pawlhi an lu an kut leh an ke pawl an tansawm thluhih buridip sungih an khumthluh ruangah zozo an si timi theihsuak a harzet ding tiah an simih, Palik hotu pawlcun hi mithi pawlhi a liamcia nihnih hrawngih thahmi an siding tiah an sim.

Mexico ramahhin ri theihthil zuartu pawlkom dangdang an umhi an do aw in an thataw ciamco ih, tuithla ni 4 khalah khan Nuevo Laredo ah rit theihthil ih sumdawng pawlih thahmi  mithi ruang 23 an sarzo ih hi pawlkhal an lu an ban leh an ke pawl tansawm thluhih buridip sungih khumkhawm an siih hrekkhat pawlih lu tlacu lilawn hnuaiah an tar. cumi hnu tuithla ni 9 an khan  Guadalajara khawkiang Motor 2 sungah mithi ruang 18 sar a si thotho. Mexico ramah hin rit theihthil ih sumdawng pawlkom dangdang an umih an mah leh an mah an do aw ih  an that aw ciamco ih minung tamzet an  tizo.

(Visited 40 times, 1 visits today)

Comments

comments

3 Comments

  1. a va rapthlak ve aw… Sumdawnnak ruangih nunnak laksak aw cu aw!

  2. aw….kei hi khua le ram caah rian tuan tu pa khat ka si ve i nan mah pawl hi peh tlaih nak ding ah ka duh ve. kaa lawm

  3. hello..nan zatein ka lung wai.

Comments

%d bloggers like this: