Mexico Musician Pawl Umnak Theilo In Hlo

152798829MONTERRY : Mexico ramsung ih music lam ih band pakhat si mi, Kombo Kolombia te cun, kan dungzarh Tlawngkai Nili zan ah khan music concert nei ding an si ih, an neihnak ding Hidalgo lam pan in an feh. An zate hin mi 20 an si ih, an fehnak lamzin Potrero Chico hrawng an thlen ihsin zohman in an be thei nawnlo ih, tuini tiang an biak theilo thu an sungkua pakhat cu Mexico palik zungah a va thlen asi.

“Phone kan ko asi khal ah an kai lo, khuahkhirhnak hnuai ah an um ruangah si ding ti zumnak kan nei” ti in an sungkua lak ih pakhat Jose Ruiz cun AFP ah asim. Concert an tuahnak ding hmun ih security officer Jorge Domene cun, “An thleng theilo ruangah ti in an sungkua pawl kan phone ih, Potrero Chico kiangkap ihsin an biak theilo thu kan thei. Cucun ngaihven ding in kan feh ih, an motor pawl kan va hmu.

Cui an motor pawl cu a zaten a sangka a ongaw theh ih, a sung ih music thuamhnaw zate khal in a um nawnlo. A kiangkap kan zoh, kan hawl rero nan zianghman hmuh ding a um lo asi” ti in asim. Hipawl hi rittheithil zuar le tham pawl ih kaih mi an si an zum ih, damtak ih an hmuh theinak dingah ruahsannak khal tumpi an nei. Tuini tiangah zianghman an thuhla theihtharmi a um hrihlo asi.

Comments

comments

Comments

%d bloggers like this: