Mexico Mawtaw Hlawnmi Sungah Minung 11 Ruak Hmu

Mexico ramah drug traffickers pawl in ram cuh aw an buai re ro hnu ah, Sonora state ram ri ah mawtaw hlawn mi pa khat sungah mi ruak 11 cu Thursday ni ah Mexican police pawl in an hmu. Mi ruak tam sawn cu a kut le ke pawl tan ih hmuh a si.

Miruak pawl cu Caborca le Sonoyta khawp pi pa hnih zin par ah ralrin pek nak ca thawn hmuh a si. A mawtaw hi US ram Arizona ta an rukmi SUV a si” tin an sim. Tuanvonei tu pawl cun a thi pawl le zo an si ti le ziang vek ralrin pek nak ca a si ti cu an phuang lo.  Local drug traffickers pawl le a dang group pawl ram cuh aw ruangih that aw mi a si.

Police pawl cun Wednesday zanih Plutarco Elias Calles khua ih police station meisa ur tu pawl thawn pehtlaih aw mi an si maw ti zing zoi re ro lai a si.

Kan dung thla May 16 ih Mexico sak lam Zacatecas state Cieneguillas prison ih thawngtla minung 53 tlaansuak lak ih pahnih cu Thursday ni ah an kaih sal thu khal police pakhat in a sim suak. Security video camera sungih an zoh sal leh tikah thawngtla 53 pawl an tlansuak lai ah a kiltu pawl cu ding ring ring in hmuh an si. Thawnginn hotu pa le thawng tla kiltu 44 pawl cu thawng an thlak ih an thu hla zingzawi rero lai fang a si. Mexican drug gang’s pawl hin police le guards pawl cu nawhthuh an pe ring ring theu.

Mexico President Felipe Caldero le a kumpi hin drug traffickers pawl thawn peh zom nak a nei ding ti an zum mi police le thu nei tu tam pi cu a kai hai, Michoacan state ih Mayors pa 10 pawl khal kaih an tuar ve a si.

Thursday ni tho tho ah Nuevo Leon ( US ram ri ) ih state police stations ih police ho tu pa 2 cu thu sut dingah kaih an si. Khawpi 13 ih Officers 70 ai tam pawl cu thu sut an tuar ih May thla in drugs dealers pawl thawn peihtleih nak an nei ding tin a zum mi minung 57 pawl cu kaih ta hrih an si.

Calderon hin 2006 December thla ih president tuan vo a lak hnu ah ral kap 45,000 pawl cu drug  ruangih an ram ti siat le buai nak pawl do dingah a thlak a si. Tu tiang drug ruangih buai nak ruangah minung 10,800 ai ih tam hi an thi thlang asi.

 

By- John

(Visited 60 times, 1 visits today)

Comments

comments

Comments

%d bloggers like this: