Melbourne Falam In A Veikhatnak Vantlang Puai Hmang Ding

CCV mino pawl Maroondah festival ih laam lai

CCV mino pawl Maroondah festival ih laam lai

Melbourne ih khawsa Falam mi le sa pawl cun a veikhatnak hrang Vantlang Senpi Pawlkom ni hman an tum. Hi Pawlkom ni hi vantlang mibur hmin kengin, Chin Community Victoria Inc. Day lole CCV Day tiin thaisun September 4 ah an hmang ding. Australia ramkhel hotu le khawtlang hruaitu upa hrekkhat pawl khalin an tel pi ding.

‘A veikhatnak hrang CCV Day hman kan tumnak cu kan mino tete le thangthar pawl in miphun duhdawtnak, vantlang ih tel duhnak, hmunkhat ih nuamawknak neih ding thupi zet ih kan ruah ruangah kan tuagnak a si’ tiin CCV sungtuan Pa Wesley Bawi cun Chinland Today Media a sim.

Football, Volleyball le leknak a phunphun a um ding. Ahmun ah lairawl khal zuar a si ding ti thu khal kan dong. Tui ttum ih football, volleyball lektu pawl lak ihsin a thiam filor pawl cu Chin Khmthar, October 2-4 tiang Adelaide ih lektu ding hrangah hril an si ding tiah leknak lam hotu Pa Cung Uk Mang cun a sim.

Michael Sukkar, Australia MP, Maroondah Council Upa hrek khat, Antonella Cicero, Victoria School of Language Area Manager le Upa dang pawl khal in an tel pi ding.

CCV hi kum March 17, 2007 ah Melbourne thleng Falam mi le sa pawl hmunkhat ih burbunawk theinak ding hrang ih rak din mi a si. Melbourne nisuahnak le nitlaknak lam tiin hmun hnih ah an um ih sungtel 400 zik an um.#

Comments

comments

Comments

%d bloggers like this: