Melbourne Chin Mino Pawl Hmunkhat Ah Pathian Biak Khawm Ding

A vei (5) Nak Chin Christian Youth Combine Worship Service Zuk: VCBC mino pawl

A vei (5) Nak Chin Christian Youth Combine Worship Service
Zuk: VCBC mino pawl

Van Bawi Lian
Chinland Today

Melbourne: Australia Melbourne thleng Chin mi kohhran le pawl tin ih mino pawl cun October 26, 2013 tlailam ah hmunkhat ih Pathian thangṭhat khawmnak an nei ding.

A vei (5) nak Chin Christian Youth Combine Worship Service cu Melbourne nitlaknak ih um Chin Baptist Church pawl in inntek ṭuanvo lain Pathian biak khawmnak neih a si ding. Hi Pathian biak khawmnak ah kohhran tin le pawl tin in hla fingkhat cio saknak an nei ding ih Choir 3 le phun dangdang ih Pathian cawimawinak, thutawi simnak pawl tuah a si ding tiin Chinland Today Media cun thuthang kan dawng.

“Hi Pathian biak khawmnak hrangah kan ni inn tek lam khal in thla ziang maw tizat lai ihsin nasa zetin timlamnak kan nei zo. Tlangkai ninga zan, ni li zan leh zarhte ni pawl ah a hla zirnak le music pawl timlamnak kan rak nei. Hall lamah harsatnak a um lawknak a caan te ah Pathian in mi 550 lenlgo tlem Planet Shaker pawl ih hall hman theinak dingin lam in hruai” tiin CBC hotu Thawng Thawng cun a sim. “Kan duhbik mi le kan tumtah bik mi cu Mino a tamtheibikin ziangtik Pathian hi kan sunlawih in kan thangṭhat thei ding ti hi kan ruahsanbik mi le kan thlacamnakbik mi a si ih Mino thlacam thlakhat veikhat Friday zan ih kan nei mi khal ah kan thupi ter bik mi cu hi mi ni ah Chin mi Australia thleng mi pawl a tam theibik Pathiang thangṭhat ding hi a si’ tiin a sim.

Tuiṭum ah Melbourne ih um kohhran le pawl 28 lenglo sawm an siih pawl 20 lenglo in an tel thei ding thu an sim than zo thu CBC mino hotu Thawng Cin Lian cun Chinland Today Media hnenah a sim.

A vei (6) nak Chin Christian Youth Combine Worship Service hi a veikhatnak ih rak hmannak Emmanuel Christian Church Melbourne ah hman a si ding tiin Chinland Today Media cun thuthang kan dawng.

Chin Christian Youth Combine Worship Service hi November 14, 2009 ah Emmanuel Christian Church, Melbourne Youth pawl ih rak hohanak in rak hman thok a si. Melbourne um kohhran le pawl um hmuahhmuah zaten 13 pawl tawngkhawmawk ih rak hman thok mi a si. Mino 500 leng in hi Pathian biak khawm hi hlunghlai zet le sunglawi zet in an rak hmang. CCYCWS rak thleng dahzonak pawl cu, Emmanuel Christian Church Melbourne, Chin Christian Church Melbourne (Chin Christian Fellowship tiih rak theih mi), Melbourne Chin Church le Victoria Chin Baptist Church pawl tla an si.

(Visited 514 times, 1 visits today)

Comments

comments

Comments

%d bloggers like this: