Melbourne ah Chin National Day Hmang ding

CT| Melbourne: A voi (61) nak Lai phunsuahni (Chin National Day) cu Australia, Melbourne ih um Laimi pawl cun 21February ni ah hman tlangkhawm nak neih ding in thurel khawmnak an nei.

A suak khawmtu Laimi upa palai 13 pawl cun kan Lai Phunsuah ni cu Lai laam phun (8) le ram hla a phunphun ih sunlawih ding in an rel khawm.

Melbourne Chin Community Inc. (MCC) pawl cun zanghlei cawiin ttuanvo an la ding. Melbourne Chin Community Inc. cu nitlak nak lam ih um Laimi pawlkom khaikhawm tu puipa bi pawlkom pakhat a siih member 700 leng cuang an um.

2008 ih Lai Phunsuahni khal tui ttum vek thotho in Hornbill Chin Association of Australia (HCAA) pawlkom in zanghlei cawi ttuanvo an lak.

Melbourne ih Lai/Chin ni sunglawi cu Chin Festival Celebration Committee (CFCC) pawl ih hoha nak thawn tuah a si theu.CFCC cu MCC, HCAA, le Lailun Pawlkom Melbourne (LPM) kawmkhawm aw an si.

Tui ttum ih hitiih MCC ih zanghlei cawi ttuanvo an laknak san MCC le CFCC President Caleb Thang Luah Khai ih a sim danah cun, CFCC palai pawl lungkim nak ih tuah an si thu le Chin mi nitlak nak ih um pawl thawn hmun khat te ih hmantlang ding ruah sannak tumpi an neih thu a sim.

Culawng si loin CFCC in sumpai hlei liam ih hawl ding a harsat tuk ruangah hlawknak um lo ih kan lak nak a si a ti.

Lai phunsuah ni densan in tthalai pawl nuam awk nak ding hrangah saphawsirh zuamawk (Bawh Lung) lehpannak neih ding an tum thu khal cu CT palai hnenah an sim.

Comments

comments

Tags:

One Comment

  1. saitinhrekhal says:

    Lai phunsuahni kha Feb.ni 20 sihmang kla ti ni 21 ah an thleng a si maw!!!
    ni21 ih Lai phunsuahni hman an tum ?
    ” RAMDANG HMAN AH VA UM LA LAIMI NA SI DANGHLEIHLAH,…. Telve thei a va hiar um ve.

Comments

%d bloggers like this: