Melbourne ah Chin Music Festival Nei Ding

11350553_1414191405572288_2796470282689833044_n

Melbourne ah Chin Community Victoria pawlih hohanak in aveikhatnak Chin Music Festival zan khat sung Aquinas Secondary College ah an neih ding thu Salai Thang Za Pum, awnmawi tuanvo neitu in Chinland Today Media hnen ah a sim.

“Tui Friday zan nazi 7 ihsin Chin Awn Mawi Puai cu thok a si dingih himi hrangah Maroondah City Council pawlin bawmnak in pe” ti khalin Pa Wesley Bawi, CCV secretary cun a sim.

Himi zaan hrang zarh hnih sung timlamnak an neih zo thu le hlasak tu ding pawl an ralrin zo thu pawl tuanvoneitu Salai Van Bawi Lian cun a sim. “Chin Music Festival ih a tumtahbik mi cu kan santhar minopawlin awnmawi lam ah zuamnak an neih vivo theinak dingah tuah a si” ti khalin Salai Van Bawi Lian cun a sim bet.

“Tui, Chin Music Festival zan hrang ah zoh man a um lo ding nan mipi a zohtu pawl ding cun Lai thuam asi lo hman ah thuamhnaw mawi le design mawi hleice ih thuam aw ding in kan Chin Community Victoria member pawl hnenah dilnak kan nei” tiin Mai Sang Men Hniang cun a sim.

11350597_1414191335572295_159146870752734237_n

(Visited 417 times, 1 visits today)

Comments

comments

Comments

%d bloggers like this: