Mekhong ‘Power Grid’ Thuhla Thurelkhawmnak (International Conference) Nei

BBC | January 20

Kawlram tivapi Mekhong ah mesatha peknak khawlpi tuah a si ding thu thawn pehparawin Mekhong ram kiangkap um ram pawl cun Thailand ram khawpi ah International Conference cu January 17 ihsin 20 tiang an nei ih Kawlram mipi hrang khal ih hmuar nei deuh in himesatha peknak khawlpi cu hman a si theinak ding le ram dang khal ih pursumleilawnnak hrang hman a si theinak ding thu relkhawm nak an nei a si.

Kawlram cozah cun Mekhong kaingkap um ramsung mipi in Mekhong mesatha peknak khawlpi cu an hman tangkai theinak ding ah le nasa zet ih meisatha hman a sinak hmun Tuluk le Thailand ram pawl khal ah meisatha zuar a si theinak dingah hmalaknak a nei rero ih ram dang um company lian pawl khal in hi meisatha peknak ‘power grid’ cu tuahsuak ngaingai a si theinak dingah bawmnak an pe ding a si.

Asinan Laos ram ihsin Thailand ram ah Laos cozah cun meisatha ih pursumleilawnnak a rak nei zo ih hi pursumleilawnnak ah company lian pawl lawng in hlawknak nei in meisatha peknak hmun kaingkap ihum mipi hrangah cun hlawknak  a um lo ih hleiah harsatnak nasa zet an tawn sawn thu Bangkok khawpi ih International Conference an neihmi ah tarlan a si.

An relkhawm vivonak ah cun hivek ih pursumleilawnnak ih bawmnak petu pawl cun pursumleilawnnak ih hlawknak an tel ding pawl hrang lawng ah khawkhannak an nei theu ih mipi hrangih hlawknak um ngaingia ding in khawkhang a si lo theu thu khal an tarlang bet.

Cutiasiruangah, Kawlram cozah cun hi ‘power grid’ hrangih planning a neihmi cu a thluh leh sal a si lo ah cun Kawlram mipi hrangah hlawknak taktak a um lo ding ih hleiah Kawlram hrangah cun cannak nasa tak a si ding a si.

(Visited 28 times, 1 visits today)

Comments

comments

Comments

%d bloggers like this: