Meithal Kap Panda

June 12

Zarhte Ni

Meithal Kap Panda

Siar:

2 Timote 2:1-15

A hnattuan a zahpi lotu le Pathian thudik thuthangttha cu dikzet ih a simfiangtu si dingah  Pathian lungkimnak ngah dingin zuam aw.

-2 Tim. 2:15

Kumkhat Sung Baibal:

Ezra 3-5

–   John 20

Lynne Truss in Eats, Shoots & Leaves timi a cabu sungah tulai san cangantu tampi in puntuation – colhlawknak (comma) le cemnak (fullstop) dik lozet ih an hmanmi pawl langter duh ah hiti’n a ngan: Panda savom pakhat cu lakphak dawr ah a lut ih sandwich (ataa hngiat pawnghmuk) timi sang a cah ih a ei. Cuih hnu ah meithal a suah ih a kap. Dawrkiltu in a sut tikah Panda in a siartermi ca cu: Panda, a tumzetmi  a dum le rang cokrawi awmi savom vek hnawifawp ramsa, Tuluk ram um a si. A ei, a kap ih a feh (Eats, shoots and leaves) ti’n a si.

Ei timi ttongfang dungih colh lawknak comma (,) a retmi hin hih catlang ih a sim duhmi thu a thlengh ttheh. Shoots timi hnah no cerh le leaves timi thinghnah cu a kap (shoots) le a feh (leaves) ah a sullam an thlengh aw. Panda savom in hnah no cerh le thinghnah pawl a ei,” ti-ih a sim duhmi cu, “Panda savom in a ei, meithal a kap ih a feh,” tiah a cang.

Bible zirzoi tikah tla hiti vekin a simduhmi ihsin pial sual ding hi phaan a umzet. Paul in, “Pathian thudik thuthangttha cu dikzet ih a simfiangtu si dingin zuam aw” (2Tim. 2:15) a ti. Himi zawn ahhin dingzet in hluah thawn thing a attu lettama a tahtthim. Bible ca theih fiangnak dingah tikcu caan ttha te’n pek ih thlacamnak thawn Thlarau Thianghlim ih theihternak dil a ttul thu a sim duhmi a si. Lailan le dik te’n thudik zirh ding ti a sim duhmi a si. Pathian thutak cu a sinak vek cekci ih theihthiam ding le midang pawl va simzirh ding cu zumtu kan zate ih co-u pek (priority) dingmi a si. – Dennis Fisher

Pathian thutak hmaante ih theih le sim

taimak le ralrin a ttul;

Curuangah na tikcu caan pek aw,

Cuti’n thutak cu phuan a si ding. -Hess

Bible zirnak ah nangmah le nangmah pe aw awla

na nunnak hrangah Bible cu hmang aw.

(Visited 22 times, 1 visits today)

Comments

comments

Comments

%d bloggers like this: