Meisa Aamahkhan

December 15

Zarhte Ni

 

Meisa Aamahkhan

                                                           

Bible Siar Ding: 2 Peter 3:14-18

 

Kan Bawipa le in Runtu Jesuh Khrih zaangfahnak le Amah theihnak sungah tthang vingvo uh.

  –  2 Peter 3:18

 

Ziangtikah a netabik na meisa aamahkhan policy na leimi ca na siar – a ngaingai in teh a thok in a cem tiang veikhat tal na siar suak thluh dah maw? Mi tamsawn cun hih policy cu kan lei ih file sungah kan cep, kan hman taktak ttul dingin khal kan ruahsan lemlo.

Mi hrekkhat pawl in rundamnak cu meisa aamahkhan policy an neih vek fang in an ruat ttheu. Biakinn pulpit hmai ah feh in thla an cam ih cumi in an thih tikah an nun a hum ding ti’n an ruat. Cumi ni ah “meisa aamahkhan ca” an ret vekin hell ram feh nawn loih hrial thei dingah an ruat aw.

Pathian ih in pekmi rundamnak laksawng in Amah thawn tthen aw nawn lo ding le hell ram tla lo dingin in runhim, asinan cumi hnakin a uak deuh hrih. Pathian in hremhmun tla lo dingin in rundam, ziangahtile sualnak sungin in ruun. Khrih sungih kan neihmi rundamnak in kan nunnak sungih sual thuneihnak huham zate a siatbal thluh ih Pathian thawn thianghlim teih pawlkom aw ih nung thei dingin in tuah. Bonus in pek betmi cu sual thutthennak sung ihsin in rundamnak hi a si.

Rundamnak cu atu rori ah Rundamtu thawn kan pehzom awknak hi a si. Kan rundamnak cun nitin atak ih tontehnak in neihter ih A Thlarau kan sungih hnatuantu thawngin Amah bang deuhdeuh nun in neihter.

A ngaingai ti ahcun meisa aamahkhan policy nasabik in pek a si.

 

Ka Pa, rundamnak thawn mil aw loih ka nunmi in ngaithiam hram.

Tuni ah sual huham ihsin luat thei dingah ziangti’n Bawipa ka hngatsan thei pei?

@Ava Pennington

Comments

comments

Comments

%d bloggers like this: