MCCF Pawl In Delhi Um Chin-mi Harsa Pawl Bawmnak Pe Lala

New Delhi CT News | January 25

USA ihum MCCF (Midland Chin Christian Fellowship) pawl cun January 25, tlawngkaini thum ah Delhi um Chin mi harsa zual pawl hrangah fangfai bawmnak an pek thu kan dawng.

Hunserh Hman Lai : Rev. Nehemiah Sui Nei Piang Thu Sim Lai

DBCF Pastor Rev. Nehemiah Sui Nei Piang ih hohanak in Delhi Chin-mi harsa zual sungkua 119 pawl hnenah an harsat dan zoh in fangfai Kg 25 ihsin 30 tiang DBCF biakinn ah pek an si thu DBCF Pastor Rev. Nehemiah Sui Nei Piang in CT palai Salai Zilthli hnenah a sim .

Dr. Run Bik Thu Sim Lai

Telpitu Pastor Pawl Pawl Le Kawhhran Hmin Pawl

  1. Chin Believer Church, (CBC)
  2. Matu Christian Fellowship (MCF)
  3. Matu Christian Church (MCC)
  4. Delhi Matu Christian Fellowship(DMCF)
  5. Zanigat Christian Fellowship (ZCF)
  6. Burmese Christian Association (BCA)
  7. The Turth Fellowship(TTF)
  8. Roman Catholic Mission (RCM)
  9. United Pentecostal Church (UPC)
  10. Zomi Christian Fellowship(ZCF)
  11. Burmese Mizo Christian Fellowship(BMCF)
  12. Gospel Baptist Church(GBC)
  13. Zotung Christian Fellowship (ZTCF)
  14. Lai Christian Church(LCC)
  15. Zomi Church Delhi(ZCD)
  16. Living Faith Baptist Church (LFBC)
  17. Seven Day Adventist (SA)
  18. Assemblies of God (AG)
  19. Delhi Burmese Christian Fellowship (DBCF)

Fehkhawmtu Mipi

Bufai kg.3300 zemsuah a si. Tu’itum pastor telpitu pawl :

  1. Rev. Za Kio  (TTF)
  2. Rev. Kap Thuan Thang ( Living)
  3. Rev. Ram Lian Khar (CBC)
  4. Rev. Ngin Khan Do (ZCD)
  5. Rev. Bawi Khu (MCF)
  6. Pastor Pen Thawng (LCC)
  7. Pastor Peter (ZCF)
  8. Evan Thang Lan Mang (GBC)
  9. Upa Thawng Do Cin ( BCA Chairman)
  10. Rev. Nehemiah Sui Nei Piang (DBCF)
  11. Upa Dr. Run Bik (DBCF Chairman)
  12. Upa Cawn Khuai (DBCF Upa)
  13. Upa Cin Lian Thang (DBCF Upa)
  14. Upa Min Shew (DBCF Upa)

MCCF Le Pu Duh lei Cung Te'i Hrang Thlaza Cam Sak Lai

Hi pawl hleiah DBCF thlalai ziangmazat khal in lungawi soparte’n fangfai zem hna an tuan ve thu khal a rel bet.

Tu’itum ih fangfai zemsuah mi hi US ih um MCCF pawl ih a tum 4 bawmnak an pek mi a si ih kum 2011 ah tum 3 zem a si zo ih a tum khatnak ah RS. 44650, tum 2 nak ah RS. 32472, tum 3nak ah 25302 in an bawm. Tuitum a vei 4 nak ah cun Rs. 68179 a si ih innsang 199 hnenah zem a si thu tuanvoneitu Rev. Nehemiah Sui Nei Paing in a rel tel bet.

Fangfai Kg khat ih Rs. 18 cu Kg 2100 zem a si ih Kg khat ih Rs. 20 man fangfai cu Kg 1200 zem a si. DBCF biakinn khat thepthep in mipi an fehkhawm ih refreshment (hmuk le lakphak ei le in) neih asi hnuah hunserh hman a si ih hi hunserh ah pastro ziangmawzat in lungawithu le Pathian thu tawi simnak an nei leh ih Dr. Run Bik khal in thucah tawi a sim. Hunserh hman theh a si ve ten fangfai zem hna tan a si ih a fehkhawm tu mipi zem an si hnuah lungawi le thattho zet in mah le runinn lam cio pan in an tlung a si. “Pastor fehkhawmtu pawl khal fangfai kan co ve ih kan lung a awi ngaingai”  tiah fangfai zem tuanvoneitu DBCF Pastor in CT palai hnenah a sim.

A fehkhawmtu mipi tlunnak hranih sumpai harsa hnen khal ah ketumnei cycle(rickshaw) man tumsak an si thu khal a sim bet.

“Hitivek ih Delhi kan Chin-mi miharsa zual pawl in bawmtu MCCF le a tawlreltu pu Duh Hlei Cung tei sungkua par ah lungawinak tampi kan nei” tiah khal fangfai zem tuanvonei tu DBCF Pastor cun a rel bet. Pathian in MCCF le Pu Duh Hlei Cung te’i insungsang cu thluahsuash pe vivo hram seh tiah tu’ini ih a fehkhawmtu mipi in lungawinak mitthli thawn thlaza an camsak ih hmailam can khal ah Delhi um Chin mi harsa zual pawl mang ringring dingah khal zangfah an dil thu khal mipi hnen ihsin thu kan dawng.

“James : 1:27 ih Pathian in a taktak biak nak ih a ruah mi cu MCCF le Pu Duh Hlei Cung teisung kua ih tanlak nak zarah thanzang tampi kan ngah ih kan Pathian thu a dik zia khal a tak in kan hmu thei” tiah DBCF Pastro cun a rel tel bet.

Refreshment Neih Lai

Fangfai Zem Hna Tuan Lai

Fangfai Zem Hna Tuan Lai

Fangfai Hminsinnak Tuah Lai

Upa Con Khuai, Upa Cin Lian Thang, Tv. Pa Thang le Mai Ca Te Pawl In Dip Ih Fangfai Thun Lai

Fangfai Put Lai Le Zem Lai Pawl :

Living Faith Pastor Rev. Kap Thuan Thang Fang A Co Mi A Put Lai

Lai Christian Church Pastor Pen Thawng Fang A Co Mi A Put Lai

(Visited 120 times, 1 visits today)

Comments

comments

6 Comments

  1. Lungawi um tuk. MCCF nan ti tha tuk pathian in a let tampi in lo thlawsuah hramseh.

  2. MCCF Le Pu Duh Hlei Cung nan ti tha tuk. Nan peknak hi a lak a si lo ding. Mi harsa bawm le tuam hlawm hi a tesin fa tiang thlawsuah dawnnak a si. Nan tuahtuannak ah pathian in lo hruai in mal lo sawm hramseh.

  3. Bawmnak petu zaten nan tlunah Pathian in cem thei lo mi thlawsuahnak
    lo pek kumkhua seh, Harsa bawm thei tu ah Pathian in lo hmang vivo hram seh.
    Nan ti tha tuk aw.

  4. MCCF unau zate par leh Pu Duh Hlei Cung tei sung kua par ah Pathian in
    thawsuah nak pe sinsin seh law,,,tum Pastor pawl fangfai co thu ah
    ziang hman buai nak a um ka zum lo tumn thum tiang an member harsa rak pi in ziang hamn co lo ih an kir hi awm lo tak a si ih Falam Unian pawl fangfai zem lai khal ah Pastor pawl in co ve ih sunglawi tuk,,tui tum a tum li nak cu an co ve a mawi
    Delhi ah ram dang bawmnak ngah lo cun kan har sa thluh sisi Hi rawngbawl nak ah
    Pastor pawl in an co ve hi MCCF pawl ih an rawngbawl nak mawi ter sinsin tu a si in kei cun ka ruat…MCCF PATHIAN in malsawm sinsin seh.

  5. MCCF le Pu Duh Hlei Cung tei sung kua PATHIAN in malsawm sinsin seh,
    mi harsa bawm hi PATHIAN rawngbawl nak rori tak a si..

  6. MCCF leh Pu Duh Hlei Cung tei SUNGKUA pathian Nih thawsuah sinsin seh law
    kan lungawi tuk tu hnak ih tam sin in pe thei tu si dingah thla kan lomcam sak ringring ding..

    Evan.David Khumpi…

Comments

%d bloggers like this: