Mayan Calendar le Caan Cem Pehtlaihawk Dan

Harold-with-raptureMi tampi in calendar ih 12/12/12 ni in asan hleice special a nei ti’n an zum. Number siardan in 12/12/12 hi leilungpi a cem ding tiih thuthang a leng zetmi Mayan calendar ni cemni 21/12/12 ni thawn asan a bangaw zet vekin um.

Midang tampi cun Dec. 12 le Dec. 21 khal hi nidang vekin amahten a liam ko ding ti’n an zum.

Dec. 12 le Dec.21 pawl hi zohthlang hnik sehla

Dec. 12 le Dec. 21 hi kom sehla number 11 ah a cang. Cun numberfang siar in number 2 a si.(12+12+2012=2036; 2+0+3+6=11; 1+1=2) Cun number 11 le 2 – in hlanlai sakhuanaklam zawngin pehtlaiawknak pakhatte a nei.

Cucu “Website pakhat a simi numerology.com ah Hans Decoz ih thil a tam a mal siardan thawn Greek pathian Zeus hi number 1 thawn tahṭhim sehla, cun a nupi le a naunu pawl hi number 2 thawn tahṭhim sehla, number 2 hi nunau thazang (feminine energy) thawn a pehpar.

Cun number 2 thawn pehpar in website pakhat thotho a simi whats-your-sign.com in hitin a sim: number 2 in “zangfahnak, bangrannak, tuamhlawmnak, zawnawknak, thil harsa pahtlangnak, le  thil pahnih komkhawmnak” a hmuhsak ti’n a sim.

“Number 2 in thinlung le taksa pum hmunkhat ih lungrual dingin in sawm. Number 2 in kan thlarau hrangah kan taksa cu ziangvek nundan in kan nung ding ti in theiter” ti’n cumi website cun a sim hrih.

Number 12 thawn pehpar in cun, website pakhat, simion7d.com ih simdan ahcun: “Number 12 hi a tlangpi thu ih hman tambikmi le a huapkau zetmi a si. Na kiangkap, na nunphung le na nitin nunnak ah 12 hi na hmu leuhleuh ding. Sunkhat ah nazi 12, kumkhat ah thla 12, ti vekin,” ti’n a sim ve. Cumi website thotho in himi nihnih, 12.12.12 le 12.21.12 in pehtlaiawknak thupi zet an nei, ti’n a simbet.

Mi hrekkhat in Mayan calendar a tawpnak hi kan thlarau hrangah thil pakhat a thok ve ti’n an zum. Cuvek cun si ngaingai sehla atu tikcu ciah hi tangdorten um caan sawn a si. Minung kan karlak ih pehtlaiawknak ṭhabik sawn hi kan tuah ding a si. Curuangah hi tikcu ahhin kan nunsung thilṭhabik tuah tum sawn ding kan si.

Mayan Calendar 2012 thuphuan (Apocalypse Prediction) ih asan cu: ‘Hnatuan na colhcan ah shopping bazar kainak caanṭha na nei hrih’ tihi a si tiin NASA ih hnatuan Professor pakhat in a sim dah. NASA hnenah leilungpi a cem ding timi thu cu mi tampi in an sut ih, cumi thusuhnak pawl cu NASA in science pawlkom institution tampi thawn relkhawmnak an nei zo. Cuvek relkhawmnak mipi tam zetin ngai in a nasabik pakhat cu California ih Mountain View ah SETI Institute thawn a si.

Foothill College ih astronomy professor Andrew Fraknoi, SETI Institute le NASA Ames Research Center scientist Dr. David Morrison, le Griffith ih um Ed Krupp, pawl cun Thlanglam Californai ah hi ni ruahnak phunphun a suakmi thawn pehpar in zohfeltu dingah an hngak.

A fiang zetmi cu, Dec. 21 ni ah leilungpi a siat dingih a cem ding timi thu ah thil thupi zet pakhat kan theih dingmi a um ko ding. Cuvek um lo sehla, Dec. 21 ni ah kan leilungpi, kan planet, cun zianghman siatsuah a tong lo ti thu than ding men ah, a tlunih scientish pawlin a mankhung zetmi an caanṭha pawl cu cutawk ah to men ih cemliam men ding cun an siang deuh lo ding.

(http://www.ibtimes.co.uk/articles/414052/20121212/mayan-calendar-end-world-12-meaning.htm sungih Arlene Paredes nganmi article Chin anka ih letmi a si.)

(Visited 90 times, 1 visits today)

Comments

comments

2 Comments

  1. Phuahcop tom tawhlawm a si!
    Hi vek ca hnakin cang dang ṭhaṭha tla let sawn uh!
    Biblically, it is against the Bible and even our God!

  2. a liamcia tikcu can tampi ah hi ti vekin thuphan hrilin an rel kan thei thluh tin ka zum.Cathiang sungah fifir vekin ara ding tin kan thei zo ih pathian ih thinhennak ding a tum ngaingai ding.Cathiang sung a sim mi lo bak cu ka zum thei zik lo.Pathian poh an si lo pi. Biblical, it is against the Bible and even our God!

Comments

%d bloggers like this: