Mawttaw Kholhnak Ah

February 17

Tlawngkai Nithum

Mawttaw  Kholhnak Ah

Siar:

Isaiah 43:1-13

A thukmi tidai sungih na feh khal le na hnenah ka um ding. Na tonmi harsatnak pawl hin a lo neh lo ding… Hremnak harsa khal in a lo naater lo ding.      -Isaiah 43:2

Kumkhat Sung Baibal:

–   Puithiam 21-22

–   Matthai 28

Automatic mawttaw kholhnak ka hman hmaisabik thu ka hngilh thei lo. Ka feh ih mawttaw kholh man peknak ah a man ka pek hnu ah mawttaw sangka pawl ka khar ih mawttaw hngaknak in ka hngak. Power cakzet thawn ka mawttaw cu hmailam ah an tthawn. Cuti cun keimah cu Mawttaw sungah kharhkhum in ka um ih tidai, satpia ti le brush pawl in ka mawttaw cu an hnawt rero. Culai ih ka ruahmi cu, suak thei loin um pang ningla, asilole mawttaw sungah tidai rung lut sehla ziangt’in? Culaifangah tidai a cawl ih ka mawttaw cu rote’n an hnawt fai ih lengah in tuul saal.

Cuti vekin ka nunnak ah ziangti hman ih ka kham thei lomi harsatnak pawl hi “Mawttaw kholhnak ih tonmi vek a si ko lo maw?” tiah ka ruat. Ka vun mang saal, “A thukmi tidai sung na feh khal le na hnenah ka um ding. Harsatnak pawl hin a lo neh lo ding,” (Isaiah 43:2). Khatlam raal ka thlen suak tikah lungawinak le rinnak thawn, “Amah cu rintlak Pathian a si” ka ti thei ding.

Mawttaw kholhnak ih harsatnak vek na tong dah maw? Pathian in khatlam raal ah a lo thlenpi ding ti ring ngam aw. Cutikah Pathian ih rintlak huham a neih thu phuangtu na si ding.

Ziangtluk in so a nuam,

Tlunvan ihsin in kiltu in;

Himte’n a duhdawwtnak sungah,

In kilhim ding ti theih cu!

Lei kua ong sungih hniksaknak in,

a tleumi phuanlangnak a suahter.

(Visited 17 times, 1 visits today)

Comments

comments

Comments

%d bloggers like this: