MAWHNAK NEI LO PA

January 7

Tlawngkai Nithum

 

Mawhnak Nei lo Pa

 

Siar:

Seemtirnak 18:22-33

 

Leilung tlun hmuahhmuah ih thutthentu cun ding-thluk lairelnak thawn thu a tthen lo ding maw si? –Seemtirnak 18:25

 

Kumkhat sung Baibal:

          Seemtirnak 18-19

          Matthai 6:1-18

 

John Grisham cu upadi thawn thubuai tthennaklam thuanthu, sihni le thuhla buai neitu pawl thu, thuneitu le thil sual tuahtu pawl thu a nganmi ruangah mi tampi in an thei. “Mawhnak nei lo pa” timi cabu ah dik lozet ih thu an tthenmi thu ngaingai a ngan. A nganmi cu: Nunau pakhat le mipa pahnih, mawhnak an nei lo nain sual an puh ih thah dingin thu an tthen sak. DNA in mawh nei lo an si ti a fiangter ih kum 17 sung dik lozet in harsatnak an tuar hnu ah an luat saal. Caan a rei tikah diknak in a neh.

 

Diknak kan duh nain milai ttonttaihnak in a tuah suak thei ttheu lo. Theih hliah duhnak hnakin phuleisam duhnaklam ah kan feh duh.

 

Himi thu in in theihtermi cu dingfelnak ngaingai cu Pathian hnen lawngah a um timi a si. Abraham in ttong mawizet in thu a sut, “Leitlun hmuahhmuah thutthentu cun ding-thluk lairelnak thawn thu a tthen lo ding maw?” (Seem 18:25). A thulehnak cu, “Tthen ee,” ti a si. Cuih tlunah a thutthennak hmun cu diknak in a nehnak hmun pakhat te lawng a si.

 

Leitlung cu dik lonak in a khat, kan parah mi in dik lozet in in tuarter. Leitlun hmuahhmuah thutthentu hnenah ap aw, a dikbik in thu a tthen sak ding ti rinsan aw.

 

Hih leitlun thutthen thiambik pawl cu,

An dik ringring in an sual ringring lo;

Asinain Pathian in dingfelnak ih thu a tthentu cu,

A kilkhawinak sungah zohman mawhnak a pek lo.

 

Nunnak cu a dikfel ringring lo nain, Pathian cu rinsan a tlak ringring.

(Visited 30 times, 1 visits today)

Comments

comments

Comments

%d bloggers like this: