Maw Bawipa; Ka Duat na hmu maw

Vate

Duhmi in thei seh..

Laizuun

Tlangtlun ih no eng serso tei’ Zilthli hrang le Mero zam miami, Ni ih a en mi Daidaw Tidai ih cang zik…. tik cu thleng aw rero; Tthal ni hngak ih Vulpi nisa nawp aw…. Zan Thlapa eng ziam lam le Van Arisi tthep fai kelli lakih thiang vervo te ih ka hmai in seem tu… Zuun thli pawl cu kian ding ah cahnak ka raknei lo an lak ihsin relhnak ding hmun a rak um lo..

A sau, a tawi, a tum, a te, a sia, a ttha, a thlum, a al, a dum, a var…….. leitlun ah thil kop kim in a um ti ABCDEF….12345… in rak zirh laiah ka rak thei ve dah…. an kim theilo ti nang thawn ka thei sal….

Khaw thim lak ih mitsing le Ruahsur lak ih Ti tawih awk  hnak in kei ka hlo deuh…. Ttektla awn le Van Rial Ruah sur lak ih ruahhmai  forkhat  dawng tum tu pa hman a harsa lo… Nang lo ka um har ah..

Tlai neem Va ai,  Zan khuang  Arcang,  Thlacem thla thim, Ni tlak khawthim…. an zaten ka tuarpi ve… A par kuh mi, a rong dalmi, a hnah thlengmi Par dum sungih par mawi tin khal ka dem cio lo Zuun thli hrang cu a neem ko nan lung a khiak thei..

Maw Bawipa ziangkim caan neiin na tuah; A men….. A men

Ton awk caan, Lungawi caan, Nuam caan, Duhdawt awk caan, Kawpkim caan… tawi deuh in na tuah ce cuang lo ti fiang dingih zir thiam hi, thei na cing in.. Lungthin sungah phum hmin har ka ti ko…… Curuangah Maw Bawipa – in burh aw tuar theinak tha zaang si lo, hngilhnak ding tha zaang si lo, rin umnak tha zaang si lo, ka lo dil… A kiang naibik, a thinlung sung, a ttanghlum, a kut neem, a hmur thlum; ka ttang sung ka liang par ah, Duhdawtnak thawn, sup mi neilo, lung thup phuang in….Kopkim- vorh le keh bang um ter sal ding; in siang hram aw…….

(Visited 80 times, 3 visits today)

Comments

comments

Tags:

Comments

%d bloggers like this: