Maryland ah Lai Tlangval Mawtaw In Taih That

Maryland ih Lai tlangval pakhat cu a rualpi pawl thawn an hnatuannak ihsin rawlzawh ih an fehnak lamzin ah mawtaw in an taih ngah ih a thi tiah thu theih a si.

Salai Bik Chong, 26 le a rualpa pahnih cu rawl an ei theunak dawr pan ih an feh lai ah palik pawl ih an hual mi, mawtaw speed lan pawl dum mi mawtaw in an taih ngah ih Salai Bik Chong cu sizung a thlen hnu reilo te ah a thi tiah ABC thuthang in a tarlang.

Asinan, a rualpa Nawl Kung Lian, 44 cu thi lo in a hnakruh 6 lenglo a kiak ih a kut khal nasa zetin a hliam tiah sibawipawl cun an sim. Cuihlei ah an rualpa pakhat Pu Mawng Kung khal nasa zetin a hliam aw ve thu Chinland News cun a tarlang bet.

A taih thattu Diaz-Valle le a rualpi Philip L. Dorsey 21 mi khal palikpawl cun an kai ih an thuhla rel sak rero lai a si.

Tlangval Bik Chong, 26 hi Matupi peng mi a si. Amah hi bawhlungsit thiam le an vantlang mipipawl khalih rinsan zetmi a si thu khal Chinland News cun a tarlang bet.#

(Visited 626 times, 1 visits today)

Comments

comments

Comments

%d bloggers like this: