Mariam, Sudan Ihsin A Suak Ngah Zo.

Sudan MinuMuslim ihsin Christian ih cang tiih an puhmi Sudan nute Mariam Yahia kha tu cun Sudan ihsin ramleng ah a suak ngah zo. A pa hi Muslim a si ih a nu hi Christian a si. A nu ih zirhnak thlun in Christian ah a cang ih a suahnak Sudan cu Muslim ram a si ruangah a pa Muslim ih fanu cu Muslim a si, Christian ah a lehawk ruangah, tiin thah ding ih a thu relsakmi kha a si.

Thawnginn sungah fanute Maya a hring suak ih, fa a neih hnuah thah ding tiih timi a si nain, ramtinkom pawl in an tanpi cio ih thah loin an suah. Ramleng a suah tum ah an kaisal ih ramleng suah an siang lo nain, atu cun US Embassy ih bomnak in a suak ngah zo. Italy in vanzam an ngaihtuahsak ih Italy tlangbawi pakhat khal vanzam ah a to ve. Cutiin Italy ram ah a feh ngah ih Pope Francis khal a va tong hngah hngehnge. (BBC)

(Visited 463 times, 1 visits today)

Comments

comments

Comments

%d bloggers like this: