Maoist Tapung Pawlin Lalgarh Khua An Siim

India ram  West Bangal Kolkata khawpi ihsi Km 200 hrawngih hla West Midnapore District ih Debi Chowk khua cu Maoist Tapung pawlin tihni sun ihsin an siim ih, Himi khua hi tuisun tiang an thu neihnak hnuai ah a um lai.
Himi hmunih CPM hotu pathum an that ih midang pathum an ruhlo ih,  himi khua ih CPM  Committee Member pawlih Inn khal meisa in an nawhkang sak ih Mizan ah  Lokhipur Police Station khal an lasal bet. Himi Police Station ih CPM Member minung pathum khal an ruhlo betih Lalgarh luhnak lamzinpi khal an laisiat thluh.

India Central Cozah cun Lalgarh siim tu Maoist tapung pawl do dingin CRPF 500 a kuatcih. India Central Cozah Home Minister P Chidambaram cun  CRPF 500 cu Lalgarh an thlenzo thu a simih State Cozah khal an State sungih Tapung pawl do dai thluh dingin thu a pe zo. Maoist tapung pawlhin West Bangal kiangih  Purulia leh Bankura ah umnak hmun an khuar nasa ih, Tu ah Lalgarh kiangkap ah umnak hmun an khuar ciamco betsal.  West Bangal Palik bawipa in a simnak ah Maoist Tapung pawlin  Hoogly District ih  Aramgarh leh  West Minipore ih Keshpur pawlkhal siim bet an tum a ti.

Himi ih tlun ah Jharkhand ih Bahera khua ih Maoist Tapung leh Ralkap pawl an kah awknak ah  India  ralkap 3 leh Jharkhand Palik 1 an thi ih midang 11  in hriamhma an tuar.  India ralkap pawl Patrolling an feh ih an tlunnak lamzin ah Tapung pawlin lamzin tlun in an rak bawh Ambush an rak tuahin an rak kap ciamco, Ralkap pawl khalin  a zamrang theibik in an kap venan, Tapung pawl thi leh hriamhma tuar umlo in an tlanhlo thluh. Tapung pawl lakah nunau khal ziangmaw zat an tel.
(Visited 25 times, 1 visits today)

Comments

comments

Comments

%d bloggers like this: