Manny Pacquiao Hrem A Tuar Men Thei; Thudik A Rello Hmang!!

6c2bc1039a06be259da3f88f6ddb708d_crop_north

Pacquiao in Floyd Mayweather thawi an thongawk hlanah a liang nat thu dik le fel teih a sim lo ruangah, Nevada boxing thuneitu pawl ih hremnak lole cawhkuannak a tuar men thei.

Nevada Athletic Comission Chairman Francisco Aguilar ih a sim dan ahcun, an thong awk hlan ih thusuhnak ca a ngan mi ah ‘Nalo” tin a um tiah a ti. ‘Thuhla pawl a zaten kan zingzoi fel dingih cutin thutluknak kan tuah ding’ titla in a ti.

Hi tiih thuhla zinzoinak a um rero laiah thahrihram lam thiam, Orthopedic Mizeitu Dr Neal ElAttrache cun ESPN.com pawl hnenah Pacquiao hi tuizarh cem lamah a liangna kan zei ding tiah a rak sim.

Pacquiao hrangih mipi hipnak tuahtu le tawlrel saktu pawl ve thung cun US Anti-Doping Agency pawl hnenah hi a natnak hi kan sim ko. Asinan taksa tisatnak si/natsawng si (anti-inflammatory) hman a ngah ding tiah in pom mi a si tin an rak el linglet ve. Amahlawngte USADA pawl cu an thongawknak ding hmalaknak thuhla tawlreltu pawl lakih sulsutu ngaingai an silo.

Pacquiao hi Mayweather thawn an thongawk hlan sml 2 duh hrawngah, taksa tisatnak si/natsawng si (anti-inflammatory), Toradol dawt dingin an dil nan thuneitu Nevada pawl in an rak siang lo. Ziangruangah tile a hmaisa ah hivek dawt a ṭul ding thu zianghman theih cia mi kan neilo. Lehlam veve hrang, dik le tluktlang zet ih tuah ding mi a si tiah a rak ti san.

Nevada Athletic Commission executive director Bob Bennett khal in hi thuthawn pehpar in Pacquiao hin kan kuat mi dan le dun thlun ding mi pawl felfaiten a theih cia mi a si. A ngan kimlo siloin thudik a simlo a si tiin a dem.

Pacquiao zirhtu Freddie Roach vet hung cun aliang na hi a reh vivo mi a si. Hi thongawknak hi, ni thawn dingin kan rak ti lawknan, a liang a dam that vivo ruangah kan thawn sallonak a si titla cun a rel ve.

An thongawk zik ih si sun an sianglo nan Pacquiao hin poi tilo in, sisun lo khalin ka lek thotho ding tiah a tiih cutin an thok. Round 4 nak ih nasate Pacquiao ih a thong nakah a liang natnak a suak sal. Asinan a cemtiang a thok ih a lek kel ten a lek thei thotho.

Hi thu hi an leh thluh hnu mipi hmaiih a simnak ruangih zinzoinak feh vivo mi a si. Pacquiao in ka liang a nat ruangah duhvek in ka cangvai thei tuk lo tiih a relawk ruangah a si.

Hrm – AP

(Visited 1,734 times, 1 visits today)

Comments

comments

Comments

%d bloggers like this: