Manmohan Singh Operation ding

TOI/24-01-09:  India Prime Minister Manmohan Singh (76) cu tuisun 24-01-09 nazi 60:30 ah India zato ropibik AIIM ah sibawi thiam hmin thang Dr. Ramakant Panda le a team (11) pawl in operationnak an nei ding.

Sibawi pawl ih operation an tuah sung hi nazi 6-8 karlak a si an zum. Operations a tuahtu ding Dr Panda ih operation a tuahmi 700 lenglo an dam suak. Cun Dr. Panda hi lungphu natnak lam khal a dam ter tampi zo ih India ramih sibawi thiambik tiih theih a si.

An zai theh hnu ah a malbik zarh (6) sung a um hrih a tul ding. Hitivekih Manhohan Sing a dam lo ruangah Lok Sabha hrilawknak pawl ni khal thawn theh a si.

Manmohan Singh a damlo sung a aiawhtu dingah India External affairs Minister Pranab Muhkerjee ruat a si. Sibawi pawl cun Manmohan Sing hi February ni (12) lam ah a dam that an zum thu an rel.

Manmohan Sing hin India ram ih puai ropi le sunglawibik pakhat Republic Day a hmang theilo ding ih mipi thenkhat pawl cun pawi an tipinak khal an langter.

Sing damlo ruangah a cozah kekar daan tampi a ti buai phah. Australia Prime Minister Kevin Rudd khalin ni 28 January ah India tlawng dingin tumtahnak a rak nei nan, a damlo ruangah a thulhsal. A dam hnu ih a tlawn tumsal thu Rudd cun a rel.

Manmonhan Singh hi zato ih room thabik ah an retih sibawi thiambik pawl hrilkhawm mi pawl in an kil. A innsang nu Gursharan Kaur le a sungkhat u nau pawl in an veh.

Comments

comments

Comments

%d bloggers like this: