Mangtha!

MaryLand laicin sempi te pawlin Damten Mangtha tiah Biazai thawn kan lo thlah.

DAMTEN MANGTTHA

Purmang a cu, lo rianram ah
Thih kan luan zo, an ti pi pu’n
Pupa rottha, kan kil him ding
Na biar thlahhlah, Damten mangtha

Kan cawisang ding, calai, nunphung
Kan kilkhawi ding, kan ro sunglawi
Pathian hnenah, thla kan cam ding
Cat banglo in, Dam ten Mangttha

Cerlian ninu, liam zai na rel
Ttian kan siang lo, kan ti lai kha
Zoso lung hno, ziang ruangah so
Kei lawng i tan, Damten mangttha

Hlan lio lungdum, tu fumthiam te
Ton sal in tuah, Chin kumthar ah
Lungthin a thar, nau bang a tthang
Thin diriam in, Damten mangttha

Zattial kut kai, kan nuam za ee
Lungsi ten maw, ttheng par sangah
Kan lam kan nuam, siang lo cing ten
Kan ttian a cu, Damten mangttha

Tlangza kan in, nan liam miarmo
Leng zul mawi le sam thlai rem te
Zankhat te tal, caam hrih aw  ti
A thiang ri lo, Damten mangttha

Sankhuk  par law, Chin kumthar puai
Semmawng nonawn, co tuahtu ah
Ham cio pei hai, lungdum tu ding
Camkhat te sung, Damten mangttha

Thinlung tak ten, ka lo ngen duh
Zuk le hmawm pawl, ban san aw la
Lung thin fim ten, kan tong sal ke
Chin kumthar ah, Damten Mangttha

Na li leng hlah, siang thlai remte
Zir le cawn ah, tairial hrih aw
Kum leh pei khaw, kan tong sal ding
Chin kum thar ah, Damten mangttha

Maryland ah, nan zun a cam
Nan sulhnu ah, sawl bang kan uai
Ton sal nakah, thlaza kan cam
Za kan lo hlan, Damten mangttha.

Pu Lal Nei Mang

(Visited 93 times, 1 visits today)

Comments

comments

One Comment

  1. tui tum fanger puai cu na lung dum tu na tong si ding ka zum. Kha….. hngak tento aw, hmai kum fanger tiang in aw. Na ca ngan tak cu a tha nasa. Tongmawi te hman dan na thiam. Kha ….na biazai dang na ra thlah ding tak siar ding in ka rak hngak ve ding aw, tento in……….

Comments

%d bloggers like this: