Mangbangza!

December 25

Zarhte

Mangbangza!

Siar:

Matthai 1:18-25

Josef cu a hung tthang ih Bawipai’ vancungmi ih a fial vekin Mary cu a nupi ah a tthit.    – Matthai 1:24

Kumkhat Sung Baibal:

–   Zefaniah 1-3

–   Thuphuan 16

Thuthangttha Matthai le Luka sungih Christmas thuanthu hi kan theih thangmi  a si. Vancungmi in fala him note hnenah Thlarau Thianghlim thawngin nau a pai ding thu a sim (Luka 1:26-38). A tlangval pa hnenah a fala nu tthit dingin le a minung pawl kha an sualnak in a ruun suak hngai ding ruangah naute kha Jesuh tiah hmin sak dingin a sim (Matt. 1:21). Tuukhal pawl in van ah vancungmi pawl an hmu; vancungmi pawl in Bethlehem khua ah Ruuntu a suak zo tiah an sim (Luka 2:11). Judah mi pawl ih siangphahrang dingah a suakmi naute biak dingin mifim pawl cu peng tampi khual an tlawng (Matt. 2:2). Mangbangza!

Cumi thawn bangrep ih mangbangza a simi cu Mary, Josef, tuukhal pawl le mifim pawl in tuah dingih sim vek cekci in an tuah ttheh. Mary in Pathian hnenah a ap aw; Josef in Mary cu a nupi dingah inn ah a hruai; tuukhal pawl cu ttilva rawl einak kuang sungih naute tong dingin Bethlehem ah an feh; mifim pawl in arsi an thlun. A ra cang dingmi ruat loin Bawipa zumnak in ke an kar ttheh. Mangbangza!

Kannih hrangah teh Christmas cu ziangti’n a si? Thuhla fiang lo le sumpai harsatnak kan ton tikah Pathian kan rinsan ngam in a hruainak ah kan thlun ngam pei maw?  Nang le kei in Bawipai’ thu kan thlun tikah a ra cangmi cu mangbangza a si ding!      – David McCasland

Pathian ih hruainak thlun dingin,

Zumnak in ke kar dingah thungai aw;

Cuih zin cu kan zawh ringring dingmi a si,

Lamzin kan hmuh thei lo tikah. – Sper

Zumnak cun khui ah in hruai ti a thei dah lo,                                        asinan a Hruaitu a duhdawt ih a thei.

(Visited 19 times, 1 visits today)

Comments

comments

Comments

%d bloggers like this: