Mangbangza Thu pawl

December 12

Tlawngkai Nithum

 

Mangbangza Thu pawl

                                                           

Bible Siar Ding: John 16:23-28

 

Cuih ni a thlen tik ahcun zianghman in sut nawn lo ding.

Thungai in ka lo sim: ka hmin in nan dilmi hmuahhmuah cu

ka Pa in a lo pe ding.  

 –  John 16:23

 

“Jesuh hmin in, amen.” Himi cahlawm hi kan saal ringring, zianghman thu ruat cuca lem loin, mangbangza huham neimi ttongkam vekah kan neih si hmang. Kan thlacam netnak ah kan hmang ringirng. Pathian in cumi cu a let ding, ziangahtile Jesuh in a ti si, a dik maw? A palh!

Telephone le internet a suah hlanah, mi pakhat in a dang mi pakhat ih hmin in a ra thleng asile pehtlaih awknak daan hrampi a um vekin kan theihthiam sak a ttul. Siangpahrang in a thuthan duhmi cu amah can-ai ah “Siangpahrang in a ti,” ti ih simtu dingah a palai a thlah. Cuih thuthan ngaitu pawl in an hmai ah siangpahrang pa dingin kan hnenah thu a sim tivek in an thinlung sungah ttihzah upatnak thawn an khat a si.

“Jesuh ih hmin in” Pathian hnenih kan pan tikah kan simmi taktak cu “Ka Pa, himi hi Jesuh ih a lo dilngenmi a si, Amah cu keimai’ can-ai ah dingin a lo dil a si. Pathian hnenih kan dilmi kan ruah saal tikah ziangtinkim hi Jesuh in Pa hnenah keimah can-ai ah a dilmi a si ti’n kan ti ngam maw?

Jesuh cun A Pa ih duh lomi zianghman a duh dah lo. Pathian hnenih a dilmi cu Pathian ih duh daan thawn a mil aw ringring. Himi hi kan lungthlitum a si tikah “Jesuh hmin in” ti’n thla kan cam thei ringring ding.

Vancung ih um kan Pa, keimai’ duh daan ih lo dil cingin “Jesuh hmin in” tiih thla ka cam ttheumi in ngaidam hram aw.

“Jesuh hmin in (In Jesus’s name)” ti si taktak loin

Pa hnenah ziangmi so kan dil ttheu?

 

@Ava Pennington

Comments

comments

Comments

%d bloggers like this: