Mangbangnak

Mangbangnak

Siar:

1 Samuel 16:1-17

Milai zoh daan in ka zoh lo. Milai cun a lenglam thil nan zoh, Kei cun an thinlung ka zoh, tiah a ti.

– 1 Samuel 16:7

Kumkhat Sung Baibal:

Daniel 7-9

Thufim 18:13-24

Britain ram ih talent show timi thiammi hmuhnak puai ah kutken telephone zuar tupa Paul Potts a ra suak cun mi tampi ih zoh ding an zumzet na’n zohman in an rak zoh lo. Amah cu ningzak thei, mi hmai ih thil a tuah ngam ding zum um lozet a si. Hla a sak ding an ti tikah a zohtu pawl cun an zum lotuk ruangah pakhat le pakhat an zoh aw, hlasak ding ih a kaa a an tiang an zoh keukeu.

Paul Potts cun hla a sak ngaingai. A hlasakmi cu Puccini ih “Nessun Dorma” timi hla maksakzet a si. Hmat petu pawl mit-thli thawn dai ttheptthep ih an to lai ah mipi cu mangbang in an huk ciamco. Cumi cu TV program pawl lakah a tumbikmi mangbangza thil pakhat a si.
Thukam Hlun sungah Israel runtu cu raaldonak hmun ah phun dangzet in a ra thleng mi tuukhal nauhak pate a si (1 Samuel 17). David in cumi ni ih Goliath a neh tikah Saul siangpahrang le a raalkap pawl cu an mang a bang ttheh. Pathian in milai a zoh daan an zir a ttul. Profet Samuel hnenah Pathian in hiti’n a ti.”… milai zoh daan in kei Bawipa cun ka zoh lo. Milai cun a lenglam thil an zoh, kei cun an thinlung ka zoh a si” (1 Samuel 16:7) a ti.
A lenglam hmuhnak lawng in midang thu kan tthen a si ahcun an thinlung sungih mangbangza kan hrelh pang thei.

Maw Bawipa thutthen kan zamrang tuk,

A tamsawn cu hmuh thei lomi sungah a um;

Baawipa, na diknak in hmuhter aw,

A dikmi ah in hruai dingin.

Thinlung sung khi zoh le siar bikmi a si.

Comments

comments

Comments

%d bloggers like this: