MANGBANGNAK A SI

January 11

Nipi Ni

 

Mangbangnak A Si

 

Siar:

Saam 66

 

Pathian ih tuahmi hi ra zoh hnik uh! Minung lakih a tuahmi mangbangza hi!        – Saam 66:5

 

Kumkhat sung Baibal:

          Seemtirnak 25-28

          Matthai 8:18-34

 

Mangbangza timi ttongfang hi tulai kan hmang tamzet. Mawttaw, zuknung, hla le rawl thuhla simnak ah tla, “mangbangza a si,” an ti ttheu.

 

Asinain leitlun thil um daan hi Pathian ih mangbangza a sinak hnakin na uar sawn a si ahcun Pathian ih maksakzia fatettertu na si. Ka rual nu teih innsaang ahcun Pathian lawng mangbangza tiah hmang dingin daan an tuah.

 

Pathian rori thupi lo ih canter cu thu menmen a si lo. Amah cu rualpi hnak ih tthasawn a siih kan taksa um daan pawl tuah remtu a si. Pathian ih mangbangza theihternak kan neih hlan lo cu Pathian ih taa kan si ti ih lungawinak nei loin mah le mah thupiter aw in Pathian hnen in hlatpi ah kan um ding.

 

Saam canganmi zoh tikah theih ttheh dingin an ngan. Bawipa, Cungnungbik cu maktara Pathian a si, Amah cu a lianbik siangphahrang a siih leilung pumpi uktu a si (Saam 47:2).

 

Thinglamtah parah kan hrangih Jesuh a ratnak hnak ih tuum sawn mangbangza duhdawtnak a um thei pei maw? Mangbangza ngaingai a simi Pathian, a umnak ding hmun ah umter awla, na nunnak ih a tuahmi parah cu thangtthat aw.

 

            Thianghlim, thianghlim, thianghlim, mithiangmi pawl in an lo biak,

Tipithuanthum tlolak ah an sui lukhuh an hlon;

Cherubim- seraphim vancungmi thiang pawl na hmai ah an bok,

Ziangtluk sunloih thangtthat tlak s0 na si.

 

Nangmah le nangmah na thupi awter a si ahcun,

Pathian ih mangbangza sinak naih te in zoh aw.

(Visited 28 times, 1 visits today)

Comments

comments

Comments

%d bloggers like this: