Man Nei Lo Tuarnak

MAN NEI LO TUARNAK

1Pet. 2:19-20

 “Sualnak nan tuah ruangih nan tuar tlakmi
Vuaknak nan tuar ahcun nan hrangah ziang thathnemnak so
a um? Asinan thatnak nan tuah na cingih nan
tuar a si ahcun Pathian in thlawsuah
a lo pe ding a si.”

Mai tisa duhnak duhtawk ih tuah ruangih kan tuarnak ah Bawipa in a sunlawinak langter a tum lo. Thimnak ah:

1.       Zuu in tuk ruangah pumpi nat a neih tikah
2.      Kuakfawh tuk ruangah TB nat nei bang sehla
3.      Duhtawk in nu le pa nomcennak ruangah AIDS natnak nei bang sehla
4.      Rukruk ruangah mi in na zetin thawi hai sehla tivek ahhin

Jesuh, Satan in veithum a thlemnak kan zoh a sile:

1)      “Hi lungto hi sangah cangter awla ei aw” a ti. Jesuh in a cangter thei lo a si lo. Asinan Satan thu ih pumpuar hnakin Pai thu ih rilrawn tuar a hril sawn(Mt.4:4). Satan duhnak ih pumpuar, Satan thu ih nuam hi a tihnungzet.

2)     Satan in, “biakinn zimin dawp awla na vancungmi pawlin an kutin an rak lo dom ding” a ti. Biakinn zim ihsi dawp tahrat ih vancungmi pawl domter hnakin dop lo a hril sawn (Mat.4:7). Mai duhnak tuah ta belbel ih Bawipa in bawm aw, I dom aw ti cu Jesui duhmi a si lo. Duhtawk zuu in ta belbel ih damlo hnu ih Bawipa I damter aw ti hi ziangtin kan ruat cio?

3)     Satan in, “na khuk bil tahrat in I biak ahcun hi hmuahhmuah hi ka lo pe ding” a ti. Satan biak ruangih ram uktu si le sunloihmi si hnak cun tangdor te ih Pai thu vekih nun a hril sawn (Mat. 4:10). Tohkham duh ah, sinak duhah Bawipa kan phatsan pang maw?

Curuangah a cakmi Pathian ih kuthnuai ah tangdorte in um uhla amah in caan a kim a ti tikah a lo khaisang leh ding” (1Pit. 5:6). Bawipa in tikcu a nei. A caankim hngah thei hi a thupi tuk. A caan kim hlanih manhlap ciamco hi sumhmui ton pang a ol te.

Man nei tuarnak(1Pit. 2:19-20)

“Pathian duhnak nan theih ruangah nan tuar tul lomi harsatnak nan tuar a si ahcun Pathian in thlawsuah a lo pe ding. … Thatnak nan tuah cingih nan tuar a si ahcun Pathian in thlawsuah a lo pe ding a si.”

Bawipai ruangah le Bawipai hrangih kan tuarnak cu Bawipa in in hminsin sak. Damlai hrang lawngah si loin kumkhua hrangah man a nei.

Siartu zate parah Pathian thlawsuah a tharin um hramsehlaw.

Bawi Ceu

(Visited 31 times, 1 visits today)

Comments

comments

Comments

%d bloggers like this: