Man Na Nei Lai

734990_1023847967672487_8493517247888826886_nSianglianuk Kianghrol
Thusimtu hminthang zet pakhat in seminar a tuah. Seminar thoknak ah $20 hnah a kut in a thlir. Pindan sung ahcun minung 200 hrawng an um. Thusimtu cun, “Zo in himi $20 hi a duh?” tiah a sut. An kut an tung hluarhlo.
Thusimtu cun, “Nan lakih pakhat hnenah himi ka pe ding. Asinan hiti’n ka tuah ta ding,” ti phah in paisa cu a kut thawn a nuai kir thluh.

Cu thluh ah, “Zo in himi a duh lai?” tiah a sut. An kut an thlir lai thotho.

Cutikah, “Asile, hitin tuah sehla teh?” ti phah in paisa cu zial ah a thlak ih, a kedam thawn a cil. Paisa cu a kir siapsiap lawng si lo in a borhbah thlang. Cumi cu vun sar phah in, “Tu ah teh, zo in a duh lai?” tiah a sut. An kut cu an tung lai thotho.

Thusimtu cun hitin a sim: Rual le tla, zirnak man nei zet nan zir ngah a si. Paisa cu ziangtivek ih ka tuah khal nan duh lai thotho. Ziangahtile a kir siapsiap ruangah siseh, a borhbah ruangah siseh, a man cu a tlaniam cuang lo. Dollar 20 a man lai thotho.

Kan nun ahhin, ka tuah mi thutluknak pawl le kan lamzin ih a ra thleng mi thil pawl ruangah leilung ah kan tla, nuai kir siapsiap kan tuar ih, borhbah ding in cil kan si ttheu.

Cutikah man nei nawn lo ah kan ruat aw ttheu. Asinan, ziangvek a rak thlen ah simaw, a ra thlen lai ding ah simaw, na man cu na sungral dah lo ding. Na borhbah ah siseh, na thianfai ah siseh, na kir siapsiap ah siseh, na ngil tthat zerzi ah siseh, a lo duhdawttu hrangah cun man na nei tuk thotho. Ka nun in man a nei maw timi cu ziang kan tuah timi le zo kan thei timi si lo in, zo kan si timi sawn ihsin a ra a si.

Cule, Pathian in a lo duhdawt.

Hram: Christian Life Stories ih “Priceless.”

Comments

comments

Comments

%d bloggers like this: