Malaysiah Raltlan kaih theih nawn lo ding…

The Associated Press ,  Kuala Lumpur   |  Mon, 02/01/2010

Mobile Registration hrang Chinmi Raltlan pawl Full Gospel Assembly hmaiah ah um khawm.. CT

Malaysia a cozah cun a ram sung ih raltlan um United Nations pawl ih a theih pi mi pawl hrang daan lo ih um pawl kaih nak lak ihsin an luak theinak ding hrangah tiin hminsinnak cate ID tuahsak a tum.

Malaysia a cozah cun a ram sungah Raltlan an um tamtuk ding a phan ruangah UN ih a ramsung ih raltlan humhimnak a pek ding a siang lo. Asinan a ram sungih um raltlan pawl cu UN in humhimnak acozah theipinak in a pek ih February thlathok ihsin a hlan vek ih a rak kaihnak le a ramsungih a kuat kir salnak cu ti nep deuh dingin thu a suah.

Home Ministry Secretary General Mahmood Adam cun UN pawl cu a cozah pawl thawn hnatuan tlangin le UN ih a theihpi mi raltlan pawl cu a ramsungah a laang te ih um thei ding in siannak a pe ding a ti.

“UN ih mitheih an si sungah cun hi ramah a laang ten an um thei”, tiin thuthang latu AP pawl a sim. “Hna cu an tuan thei lo, a sinan an mai tul mi pawl cu tuah theinak an nei” ti khal cun Mahmood Adam cun a sim.  Ziang tik tiang siannak an pe ti cekci cu simnak a nei lo.

UN pawl ih an hminsinnak vek ah cun Malaysia ah raltlan humhimnak dil mi 75600 lenglo cu kan dungkum November thla tiangah an um zo ti a siih hi pawl hi Kawlram ih raltlan a tam sawn an si. Tuikum January thla ih Malaysia um Chin Refugee Committee pawl CT palai ih a tonnak ah Chinmi 50,000 lenglo an um ding an zum thu an sim ve.

Yante Ismal, UN high Commissioner for Refugees ih thu phuang tu khal in, felfai te ih hminsin nak le hmasawnnak a um theinak ding hrangih thurel tlangnak neih ding a duh thu khal a sim.

(Visited 59 times, 1 visits today)

Comments

comments

One Comment

  1. harsa pawl bawmtu cu pathian a si
    bawipa malsawm nak a si bangin
    raltlan tu bawl khal
    pathian tihzah hna thiam in
    a mah sunlawi ringring uh si

Comments

%d bloggers like this: