Malaysia Vanzam Hlomi Hmu Hrih Lo

Malaysia-airline-1March 8 (Zarhte) ni zing ah Kuala Lumpur ihsin Beijing lam pan ih zammi Malaysia vanzam hlomi cu atu tiang an hmu hrih lo. Tu hi vanzam 22 le lawng 40 in a zamnak lam ah an hawl rero lai. Tla sehla a tlaknak tal hmuh awmtak in an ruat.

Himi ih a hlohzik zawngah radar an hminsinnak ah a kilsal vekin lamzin an hmuh thu Malaysia ralkap bawi pakhat cun March 9 ni ah a sim. A tlak ahcun Vietnam nai lamzah a tla ding an zum ih an hawl rero ko.

Cun, himi a totu mi 239 pawl ih thuhla an cek ih mi 2 tla cu passport an firmi vekin an rel. Himi hi tla loin an fir, an lon tla a si thei thu an rel ih a hawltu pawl hi Vietnam, China, Philippines, S.Korea, Japan, Singapore le US pawl in an bawm ih vanzam 22 le lawng 40 in an hawl. A hloh ihsin nazi 24 sungah a tlaknak ding dawhdang khal an hmu lo.

Himi vanzam ah khualtlawng 227 an to ih vanzam hnatuan 12 an um ve. China rammi 153, Australia, Canada, France, India, Indonesia, Malaysia, Netherlands, New Zealand, Russia, Taiwan, Ukraine le France rammi pawl an tel cio, ti a si. (CNN, DVB)

(Visited 1,419 times, 1 visits today)

Comments

comments

Comments

%d bloggers like this: