Malaysia UNHCR in Raltlan a la rero

Kuala Lumpur | 21 January 2010

Salang Gor ih um Chin  mi 2008 ih UNHCR hnen ih hmin cazin rak petu pawl cu January 5 ni ihsin March thla tiang UNHCR pawl in raltlan sinak pe dingih zohfelnak Full Gospel Assembly, Kuchai Lama, Kuala Lumpur ah a nei vivo ding. (Zuk: A sungih hmin cazin siar lai..CT)

Hmin cazin rak pe cia pawl hin nitin ten an mai canpual ni ih an hmin zohfel a si theinak dingah zing sml 5:00 ihsin Full Gospel Assembly ah hmin tlarnak an nei. Ni khat ah mi 300 leng in thusuhsannak an nei ih tu ni tiang mi 2800 lenglo in UNHCR ih a mi lai si ding ih zohfelnak (RSD) ca an ngah zo. RSD an ngah hnu lawngah UNHCR pawl in an thuhla zohfel in a raltlan sinak a pe theu. ‘Ka nau le pawl hmin tlar aw dingin zingpit 5:00 ah ka feh nan ka hmai ah mi 5 an rak um zo’ tin a unau a thlun tu Pa Lal cun CT palai Full Gospel Assembly ih thuthang a laknak ah a rak sim. ( UNHCR ih Malaysia raltlan pawl thusuhsannak tuah lai zuk zoh na duh le  hinah Malaysia Raltlan ah click aw)

Myanmar Fellowship pawl khawmnak hmun Full Gospel Assembly pawl hin Chinmi pawl UNHCH ih thusuhnak an neih theinak dinghrang an biak inn an rak sian lawng si lo in, zing pit ih an ei dingmi, Sang, Lakphak, A dai khal khop te ih ei ding khal an bawm . ‘Kan ei dingmi Tidai, sang, lakphak, a dai pawl kan khop kan ti tiang in in pe, kan member pawl le tlawmngai thenkhat pawl in a zem hna an tuan bawm’ tin Myanmar Fellowship Pastor nupi Hanah Lung cun a sim.

Zing sml 5:00 ihsin zanlam 6,7 tiang UNHCR pawl in thusuhsannak annei. Raltlan sinak diltu lawng biak inn sung ih luh an siang ruangah a lenglamah a thluntu unau pawl in sun vu te in an hngak. Lenglam ih venhimnak hnatuan tu pawl in hmunkhat ih a bur ih um an siang lo ruangah an dawi rero nan, thin nau loten sunvu in an u le nau  pawl cu an hngak tento.

(Visited 68 times, 1 visits today)

Comments

comments

One Comment

  1. Malaysia ih unau Raltlan pawl UNHCR an lak rero thu nih in lungawi ter nasa. Rak si hram seh law. Malay ih kan unau (Ho tu si awm tak) in Malaysia UNHCR ah Raltlan sii dil duh in Laimi unau pawl ra ciamco lo ding in CA a ngan mi ka siar dah (falampawlpi@yahoogroupsmail ah si ta hang). Kan Khua pa pakhat kha 1990 hawnghrang ah kan Khua Mi lak ah Malaysia a feh hmaisa bik dah. Kan Khua Mi pawl in kan rinsan z ttheu ih,”kan nih khal na hnen (Malay) ah kan ra duh ve. Ra ve seh la a ttha pei maw??,” tin Thu kan ron ttheu, kan fone awk Caan ah. A nih cun,” Aiiii, ra lamlam hlah uh. Kei mah hman a rak feh pangpang ka sir awk tuk,” in in let ttheu. Kum 6/7 sung lai cu a Thu kan ngai ih zo hman Malaysia feh lo in kan um. A si nan, nehhnu lam ah cun Thu Dik kan thei leh sal ih pakhat hnu pakhat in kan feh sal. Milai cu kan ziangtin kim ah kan bang aw lo, ti kan thei ttheu nan, Midangkhal kan mahvek in kan zum ngah pang ttheu mi hi a poi hla tuk lawlaw. Cun, Mi sik nak Thinlung Ttha lo neih khal hin Ram, Miphun leh Mah hmai lam nasa z in a siat ter.

Comments

%d bloggers like this: