Malaysia UNHCR (Bio-Data Collecting Exercise) Nei Ding

FRO Tuanvo Neitu Pawl

FRO Tuanvo Neitu Pawl

Malaysia: April 10, 2012 ihsin thok in Malaysia acozahpi cun a ram sungih daan lo ih um pawl (illegal migrants, illegal workers) cu kaihkhih thok a si thlang ding. Cumi kaih le khih lak sung ihsi luat him theinak ding ruahsan in UNHCR cun Malaysia khuazakip ah feh tahratin Kawlram mi pawl Hmin list ngan khumnak (Bio-Data Collecting Exercise) cu April 09 ihsin May 31 tiang tuah a si ding. State 9 ah tuah a si ding ih mai umnak thawn anaibik nak hmun le ram ah tuah a si ding. Himi hmin list ngan khumnak ah ACR le CRC member lawng lak siloin Chin miphun a si mi hmuahhmuah cu lakthluh tum a si.

Curuangah mai hrinhnam tinkim ih Community office ah feh in member card tuah thluh ding a si. Tuitum hmin list lak

Ms.Critina Palazo Geneva Ihsin FRO Zung Tlawng Lai

Ms.Critina Palazo Geneva Ihsin FRO Zung Tlawng Lai

nak ahhin CRC,ACR ,FRO, Dai le ZAM pawl thawn khal thuhla hlawmawk khawm thluh a si ding. FRO card kaitu member hmuahhmuah khal ACR thawn kom in hmunkhat ah hmin list ngankhumnak neitlang ding a si. UN card nei hrih lo tu, Family Derivative Status (DS) ben ding ah kum (18) a kim zotu hmuah cu hi mi hmin list ngankhumnak ah tuah thluh ding in UNHCR ih thusuah a si.

Family DS ben ding ih a tel mi innsungsang ah kum (18) tang, Nupa benawk ding le Nu le Pa ben awk ding pawl cu Family DS ah tuah a si ding ruangah hmin pek bet a tul lo ding.

Pastor Hrekkhat Thawn

Pastor Hrekkhat Thawn

Malaysia rampum State 9 ah UNHCR in hminlist ngankhumnak (Bio-Data Collecting Exercise)  tuah vivo ding a si. CRC,ACR le FRO ih-

 Team Hnatuan Lai

Team Hnatuan Lai

Coordinator le Assistant Secretary-2 khal thlun vivo in Chin mi zaten UN card a nei lo tu pawl hmuahhmuah a cang theitawk in tawlrel sak a si ding. FRO member pawl Kaih le khih a ton ngaingai tik ah FRO ih Legal incharge thawn tangtlang le bawm ding in FRO Task Force Team khal timlam cia in le ready in a um zo. FRO Coordinator khual tlawn sung hmuahhmuah ah zung lam ih hnatuan nak le mipi hrang a tulsam mi UN cangan tulpoimawh tawl rel ding in Mrs. Coordinator le Pastor James Pek Muan, FRO President le Secretary pawl nasatak in ttan an lak sinsin ding asi.

Hminsin: Cabu (Passport Workpermit) thawn a um tu pawl cu tui hminlist ngankhumnak (Bio-Data Collecting Exercise) ah tel hrimhrim lo ding in UNHCR ih thusuah a si ih netalam ah buabai nak tampi a suak thei thu khal simthan cia a si. Zianghman kutkaih nei lo ih April 09 – May 31 sung Malaysia rampum huap Hminlist ngankhumnak (Bio-Data Collecting Exercise) ah a tuah lotu pawl cu Community Office  le UNHCR in kaihkhih le thuhla dang buainak hmuahhmuah ah tawlrelsak a theih lo ding.

Source: Salai Van Lian Khup (Van Pi)
Coordinator-FRO (April 08, 2012)
03-92220059, 016-2826438,017-2335859

(Visited 50 times, 1 visits today)

Comments

comments

6 Comments

  1. UN CAR ngah zo pawl cu pek tul lo ti nak si maw UN ngah hrih lo pawl lawng ding khi a bang in ziang tin in sim fiang thei pei maw? lung awi

  2. David Nun Tho says:

    Dear Michael,

    UN Carh ngah hrih lo pawl hrang a siih thuhla felfai na theittheinak dingah FRO zungah rak pehtlaih aw. Keicu hmun hla ih um ka si ruangah ka lo simmi a sual a um pang thei. Lungawi

    Salai David Nun Tho

  3. kadfad

  4. Ngaih Cuang says:

    U.N card ngah hrih lo deuh Appointment card lawng kai lai in teh tuah a tul ve kem maw ziang tin ha???
    Lung awi

  5. David Nun Tho says:

    Salai Ngaih Cuang,

    Tuah ttul lo dingvek cu a bang asinan, Malaysia ih um FRO office ah tuanvo neitu upa pawl ahleice Salai Van Lian Khup (Vanpi) 016-2826438,017-2335859 ah rak pehtlaih awla thuhman a lo sim thei ding.

    Salai David Nun Tho

  6. calebmangte..(tlauhmun khua) says:

    tu un lak ding mi thu ah…a hlan ih hmin rak pek ciami teh an la pei maw????
    tu hmin list pek mi lawng mw an lak ding..////

Comments

%d bloggers like this: