Malaysia Um Kawlrammi Mipum 45000 Hrang UNHCR Card Tuahsak Ding

Monday, August 26, 2013

Pic: www.unhcr.org.my

Pic: www.unhcr.org.my

Kawlram sung harsat ruang innsungsang nuntukhawsaknak hawlin Malaysia khawlipi ih um, kawlram mi harsa pawl bawmnak hrangah tiah Mahamingyi Office UNHCR pawlin a ra dingmi Sep 2, 2013 in 2014 January thla tiang hmun pa sarih ah thenaw in UN Card tuahsaknak an nei ding.

Kuala Lumpur ih Chinese Assembly Hall ah tuih thla ni 8 sunih UNHCR hruaitu pawl an tonkhawmawknak ah malaysia um Chinmi pawl thei tawkih a bawm rero tu Salai Kyaw Kyaw cun ” tuih thla UN ih CDU meeting ah Daiyintha community pawl thurelnak ah UN officer pawlih simmi vekin kawlram pawl hrangah UN card tuahsak ding tiah an sim” tiah asim.

Kawlram in Malaysia ah 2013 March thla ih thlengmi tiang lawng tuahsak ding tiah an sim. a tuih Refugee bawmnak hrang an tuahsak tharmi UN card hmin cu Asylum Seeker tiah hminpek a sidingih kawhcih a si fawn ding. Cun tuih t’umah kawlram mi mipum 45659 pawl hi UN Card tuahsak si ding tiah thu theih asi.

Tuih an tuahsak dingmi vengthen pawl cu – Sep 2 , 2013, Perak/Kedah Mi 3244 , Sep 9 in 15 tiang Cameroon Highland vengah Mipum 4027, Sep 17 ah Kuantan/Pahang vengah Mipum 412, Sep 20 in 24 tiang Johore Baru ah Mipum 1015, Sep 26 in 28 tiang Seremban vengah Mipum 1350 ,2014, January ni 3 in 5 tiang kha Kuala Lumpur Selangor ah Mipum 34227 le Penang ah Mipum 1384 hrang tuahsak an si ding.

Malaysia ramsungah boruak umdaan thlir phahin UNHCR in UN card a tuahsak netabik hi April 2010 an tuahsak in a ne ih tuhi a thar an tuahsal tinak si cu!

Tufang malaysia ramsungih um kawlram mi UN card nei hi mipum 70000 hrawng an siih, hnatuan dingih ummi pawl thawn mipum zate komin ting hnih(200000) hrawng an um.

RFA Burmese | Jenny Par

(Visited 182 times, 1 visits today)

Comments

comments

One Comment

  1. Nan thu tar mi cu a tha NASA asinan ziangah Penang mi pawl register in pek loh tih hi theih kan duh.

Comments

%d bloggers like this: