Malaysia tipi sungah mi 75 kaih an si

April 24, 2010 zinglam ah Malaysia khawpi pakhat Penang ram sung tipi ah Malaysia palik pawl cun long pakhat an kai ngah ih, cutawk ahcun Sri Lanka ram mi mi(75) an rak um.

Palik pawl cun thuhla an zingzawi tikah cuih Sri Lanka ram mi pawl cu an ram ihsin anmai’ ruahnak rori in Australia ram ih luh an tum thu an sim ih, politics le biaknak lam khal si loin, ram sungih harsat tuk ruangah an ram suah san in, ram dang ih thei an tum thu an sim. Malaysia palik pawl cun immigration camp ah an kuat cih ti a si. – The Sun

Israel cun Apple company tuahmi thilri an kai:

Israel acozah cun kan dung April 25, 2010 ni ah an ram sung airport ah Apple company tuahmi iPad pawl an kaih ruangah, tui’ hnu lam ahcun kaih vivo a si ding tiah daan an tuah riai.

Apple company hi US ram suak a si ih, an thilri pawl cun Israel acozah in ‘Wireless signal’ a bikhiah hnakin a let (40) rori in a cak ih, cubangtuk thilri cu Israel cun a ram sungih hman a siang thei lo ding tiah communication ministry thuphuangtu Yechiel Shavi cun media ah a rel.

Apple pawlih tuahmi iPad pawl cu Europe pawlin iPad an tuahmi hnakin a tha sawn ih, mi tampi in an duh na’n May thla tiang ram dang mi hnenah zuar a si lo ding tiah company thuneitu pawl cun an sim. Israel khalin iPad a kaih sakmi pawl cu a neitu pawl an umnak ram an thlen vete’n an hnenah a kuat saal thluh ding a ti. – yahoo news (AP)

(Visited 83 times, 1 visits today)

Comments

comments

Comments

%d bloggers like this: