Malaysia Thawngtla 7 Pawl Thawnginn Motor Ihsin Tlansuak

prisoners2BUTTERWORTH : Malaysia ramsung ah thawngtla mi 9 pawl cu 7.1.2013 Monday ni ah  Butterworth ih thuthennak zung ah fehpi si ding in motor thawn phurh ansi. Motor ah hin palik 4 le driver an to. Culai ah, thawngtla pawl cun pakhat le pakhat an to aw ih, sualawk tum in an buan aw ciamco.

Cumi cu palik pawl cun a taktak / ngaingai  hmang an ti ih, motor cu an dinter hnu ah a dunglam ah cun palik pawl cu lut in zohfiahnak an nei. Cuti ih palik pawl in rat lai ah, an motor ih ummi hmakphek dip ( Chili powder ) thawn thawngtla pawl cun palik pawl ih hmai ah an theh. Cucun, palik pawl ih tawh cu an laksak ih an kutkhih cu an phelh.

Cutin palik pawl thawn an sualawk buai hnu ah mi 7 pawl cu an tlansuak ih, an lak ih mi 2 cu an kaingah sal. Hipawl hi rukruknak le thil dangdang ruang ih an kaihmi pawl an si. Palik pawl an sual hnu ah an motor ihsin an suakter ih, cumi an tomi motor thawn an tlansuak. Hla vaklo ah cun an motor cu an dinter ih, an tlansuak hai.

(Visited 45 times, 1 visits today)

Comments

comments

Comments

%d bloggers like this: