Malaysia Rampi Huap Tae Kwon Do Championship Cup ih Teltu Kan Chin Tlangval Suhtonnak

11714441_957594347637209_768728983_n

CT – A hmaisa in hi vek ih Malaysia rampi huap rori ih Tae Kwon Do Championship level rori tiang cuh thei ding ih lo khaisangtu le damcahnak lo petu cung Pathian hnenah lungawithu sim cawk lo CT in kan nei. A hleice in CT thawi’ suhtonnak hrang na caan sunglawi in rak pek ruangah CT hmin in lungawithu tumpi ngaingai kan lo sim duh.

Tluang Te- Ka lungawi kei tla, leitlun kan thlennak hmuntin ah Calai le media lam thawi’ hnațuannak ah catbang lo in Chinmi kan rak um thei ringring hi lungawizaa ngai ngai asi.

CT – Aw le tuah, Na hmin hi Salai Tluang Te ti lawng cu asi ciah theilo deuh ding a bang e, cun na Nu le Pa le suahnak khua hmin tla lawlaw in, zangfahten?

Tluang Te – Ka hminpi cu Nazareth Bawi Lian Tluang asi. Ka pa hi Rev. Tawk Pum asi hi ka Nu hi Biak Lian Thiam asi. Falam khua ah ka suak.

CT – Lungawi. Tuah Malaysia rampi huap ah Myanmar mi, ahleice in kan Chinmi rori in Tae Kwon Do Championship Cup rori cuh thei ding dinhmun ih na thlen theinak thuthup in hlawm siang pei maw? Cun hi cup ah leitlun ram paziat hnen in miphun ziangzat an tel ve ih hi championship cup ah ziangmi zawn in zuamawknak na tel ve?

Tluang Te – Tu vek, a hleice in refugee dinhmun ih hi tiang ka thlen thei ding hi ka rak zum ban veh dah lo. Asinan hi level tiang thleng thei ding ko in zuamnak khal ka rak neih ve ruangah zumawk tawknak khal ka rak nei ve. Kum 2013 June thla in Malaysia ih martial art khawvel ah ka rak lut ih Pathian zarah ka zirpipawl lak ah mi cuangmuar si in hi Championship level tiang cuh thei ding ko ih in duhsak thu ka master khalin a awmsung thuthup in rak ruah țheu. Hi zuamawknak ah hin team sparring, breaking le pomssea(kata) zuamawknakpawl tla an um. Cumi lakah kei hi team sparring in ka lek. Hi zuamawknak ah hin Syria, Korea, Chinese, Malaysia le India rampawl tla an tel. Rampi huap rori asi ruangah kan nih kan team hi semi-final level tiang kan thleng ve niar no thei.

CT – Lungawi. Tui’ hnu ah teh zuamawknak schedule ziang nan nei lai maw?

Tluang Te – Tui’ kum September thla ah Jahor ah zuamawknak cup pakhat kan nei lai ding.

CT – Fimzirnak lamah ziangmi tiang na thleng in sim thei pei maw?

Tluang Te – 2011-2012 fimzirkum ah Kalay University ah B.Sc(physicmajor) Pathian zarah ka țhehsuak.

CT – Na paih zawng, mallai?

Tluang Te – Martial art lam hi ka paih rualrual in Awnmawi lam khalah ka lung a lut zet. Nan Martial art hi ka major rori cu si ko.

CT – Kan lungawi ngaingai. Sawmnak el siang lo tei’ in rak komnak par le na caan sunglawi in peknak parah. Pathian țihzahtu na si vek in na lungthlitum khal kim vivo hramseh.

Tluang Te – Ka lungawi. Mi tampi hrang ih thlawsuah hmuifu si peh vivo ding ah Cung Pathian in CT lo hruai vivo hramseh.

(Visited 527 times, 1 visits today)

Comments

comments

Comments

%d bloggers like this: