Malaysia ih Chin Hlasak Thiam Ciipi Awnmawi Khawvel ah Leng Thok

12168026_1508709109454756_1212238143_n

Ciipi

Malaysia ih um Chin tlangval Salai Ciipi hi lunglen nei zet le awnmawi lam ih zuam zettu pakhat a si. A nauhak ihsin awnmawi lam ah thinlung rak pe-aw zettu a si. A hrangah awnmawi awn cu mawi danglam hleice in a thei ih, 2013 ihsin a lunglennak le khawruah harnak pawl cu a mahte lawng tuar nawn lo in mikip ih ngai theih dingin zaihla mawi ah a tuah suak.

Zing ihsin zanlam tiang hna a tuan theu ih inn a thlen veten a tingtang cu a lunglennak hnemtu ah hmang in cahbang loin hla a sak. Hla tamzet a phuahmi lak ihsin a rualpa Salai Sailass Van Bawi Run thawn 2014 ahkhan album pakhat an tuah suak. A hla phuahmi 9 lenglo lak ihsin “Lai Ram Hrangah” timi cu tuini tiangah a duhbik hrih lai.

A rualpa MungLs in Malaysia ah studio a nei ih, a hla pawl tla a hnen ah an thun theu. Salai Ciipi ih nulepa sungkhat le rualpipawl cun a hmin ngai Salai Hrin Cii cu Salai Ciipi tiah kawh rem an ti sawn ruangah Ciipi tiah kawh a si ringring.

Salai Ciipi hi Pa Mang Kiang Lo le Nu Thawng Hoi ih fapa a si. Ciipa hi Rallawn ah a suak ih 2004 ahkhan Angteng ah an thawn ih a tufang Malaysia ah a um.

A hnuai ah a hla thenkhat pawl zoh ngai theih in a um:

Ka Lam Naite ah

Lairam hrang

A thupte in

 

Comments

comments

Comments

%d bloggers like this: