Malaysia Chin mi pawl tlawngah Graduation Ceremony hman a si

Malaysia CT News I January 21

2011 ih dinthokmi Malaysia ih Chin mi pawl phunsang tlawngca zirnak Myanmar Academic centre (MAC) ih tlawngta pawl cun Advance Study hrang Graduation Day cu January 19,2012 ah an hmang.

Hih Graduation ahhin Malaysia ih Falam milesa hotu (FPM/FRO) le coordinator khalin an telpi ih, forhfialnak thu thatha khal in sim. Sunderland University ih tlawngca in zirhtu saya le sayama pawl an ra tel ih, ram dangmi mikhual pahnih an ra tel bet. Tlawngta pawl cun sungkhat, rualpi, nu le pa an run sawm ih, Graduation Robe thawn zuk awknak a um. Pizza le Arsa thawzet eikhawm a si ih, Malaysia CCYI hotu sang khalin a telpi.

Thla (6) sung manhlapzet le retheizet ih an zirmi course pawl cu ‘Advance Study’ hrang vial an si ih, tlawngta mi (17) lai an graduat. Cu pawl cu February (2012) ihsin Diploma programme ah hruailuh an si dingih, timtuah cia vekin hih tlawngta pawl hin August (2012) ah Diploma theh suak ding an si.

MAC tlawng dintu hi Falam mi a sina’n ‘Falam miphun’ lawng si loin, Kawlram mi miphun zakip hrang sangka on a si. Cun, tlawnginn sungah mirang tong lawngin ca zirh awknak a si ih, theih fiang lomi a um lawngah ‘Falam tong, Kawl tong le Halkha tong’ tin a tul dan ih zirin hman a si.

MAC tlawng kilkhawitu principal cun ram dang ihsin Degree a ngah zo ruangah MAC tlawngih ca zir peh vivo a duhtu hrang Diploma theh hnu khalah ‘Advance Diploma’ tiang zir thei dingin siannak pek a si zo. Phunsang tlawngih an zir vek cekci le system thlun ih zir awk a sinan, zir man (fee) zoh cun mikip zir theinak a si. Asinan, tlawngta hrekkhat in sumpai lam ih harsatnak an tawn ruangah Malaysia ih Laimi Khrihfa Pawlkom tete hin stipend (tlawngkainak hrang sumpai ih bomnak) thla hnih khat hrang tawlrel sak thei sehla a lungawi um zet ding. Tlawng in a ngahmi sumsaw zohin ‘hlawknak beisei loih’ dinmi a si ruangah tlawngta pawl hrang free tuition class pek lo cu thildang tuah sak a harsa fawn.

Asinan, harsatnak tampi pahtlang vivo in tuni tiangah mi (17) lai in Advance an theh thei cu a lungawi um zet. February (2012) ihsin tlawngkai thok ding hrang sangka on a si zo ih, tuni ihsin hmin pek (register) thei a si. Mi tampi hrang tonak a um zik lo ruangah January 29,2012 hlan tiang lawng mithar hrang sangka on a si hrih ding. (picture: Lecturer Dr. Kamal, Student,Principal)

Computer thiamnak khalah Basic computer application ihsin Photoshop, illustrator le Webdevelopement tiang zirh vivo thei dingin tumtuahnak a um. MAC tlawng cun December (2012) ihsin Practical Accounting course khal a zirh thok zo ih, a zir duhtu hrangah February (2012) ih thok dingin hmin pek thei a si.

MAC tlawngih zirhmi ca hmuahhmuah cu ram sung College le Instituition ihsin certificate pek ding an si ih, Degree programme thehtu hrang ahcun ramleng ih phunsang tlawng pehtlaihmi in certificate a pek ding. Hitivek ih fimthiam zirnak tlawng hi Malaysia ih um Kawlram mi pawlkom (community) dangdang khalin tuni tiang an zuam ringring na’n an hrangah sangka on sak an si thei hrih lo ih, Kuala Lumpur khawpi sungah man awlzet ih cazirnak tlawng dinsuak dingah phunsang tlawng pehtlaih tum ih a sawmtu pawl cu MAC tlawngih kai ve mai dingin forh an si thu kan dong. Kan Chin miphun hrangih duhsaknak hleice in petu Pathian thangthat in um seh.

Pehtlaihnak:-

myacademic.centre@gmail.com

Care linie: 014 2249 744

(Visited 52 times, 1 visits today)

Comments

comments

5 Comments

  1. Dear apemorej
    na thuthang hi a mak thei nasa.
    A roip tuk lawlwa .
    Chin-mipi jin nangmah vek hi si kan tualmi.
    Zuam vivo hram maw.

  2. Kan Chin-mi hi kan mak ee. Ram tin kim ah kan um si lo sawm. Kan umlohnak cu a mal thlang an sa. A ropi tuk thiamnak zir in ram dang ah kan feh ih kan ram hrangah kan hmang leh kei cu …

  3. Ropi tuk. Zuam vivo uh law Chin miphun hrangah.

  4. A si ngai a. A ropi tuk si. Ram dang ih graduate thei tete. Kan Chin-miphun hrangah lungawinak ropi tak a si ka zum. Ka lo rinsan hlawmna sa.

  5. Ropi durdo hokhaw.

Comments

%d bloggers like this: