Malaysia Ah Chin Mi Kaihkhih Thok; Kawlram Mi 900 Kai Zo

n_pg03swoopChinland Today
6 June 2013

Kuala Lumpur: Kawlram sungih Buddish le Muslim buainak kaikang cun Malaysia tiang a thleng peh vivo. Malaysia ih Kawlram um mi 900 lenglo tui thuthang ngan a si tiang kai an si zo thu Chinland Today cun thuthang kan dawng.

Chin mi pawl um tam zet nak hmun Kuchei Lama, Kutaraya, Maluri, Pudu veng pawl ah tuini ihsin kaihkhih a luar zet ding tiin Joel Cung cun Chinland Today hnen ah a sim. ‘Hi veng pawlah mi ziangmaw tizat an kai zo ih an kai bet vivo lai ding’ti khalcun a sim.

Malaysia ih vantlang mipi hotu pawlkom tumbik pathum, Chin Refugee Community , Falam Refugee Organisation , Alliance of Chin Refugee pawl khal in hi kaihkhihnak ah zianghman bawm thei mi an nei hrihlo ti khal cun thuthang kan dawng. ‘UNHCR card a neizotu mi pakhat lawngte a sungte pawl ih UN an bia ih a zan ah an thlah kir sal, CRC, FRO, ACR pawl ih tawlrel mai theih ding thil a banglo, sakhua ruangih buainak a si ih a daih rei ka zum’ ti khal cun Joel Cung, Lai Christian Fellowship ih Evangelist, Hruatu thuthang ih Join Editor cun Chinland Today hnenah a sim.

A leng vaksuak mi pohpoh cu zo ti umlo in kaihkhih an si ruangah ralring zet ih umding khal in Malaysia mipi pawl a cah. Hi kaihkhih hi Hari Raya Malay Muslim pawl ih puai, hmaitla tiang lai a daih ding zum a um zet ti khal cun Joel Cung cun Chinland Today hnenah a sim.

Hi tiih an kaihnak san bik cu Kawlram Buddhists pawl ih hmuhsuamnak phuba laaknak ah ti’n Rohinya pawl in Kawlram mi an that, thah vivo an tum ih curuangah Malay palik pawl in himi thahawknak (thisen luannak) um lo dingin atu vekin mi an kaih ciamco-nak a si. Hih Muslim Rohinya pawl hin Kuala Lumpur le Selangor kiangkap an sirhsan bik ti khal in thuthang dawn a si.

Kan dung zarh ah Kawlram mi nunau 3 Malaysia Selayang ah thah an tuar zo ih tui zarh pakhat le mi 5 zato kai tiangih hliam awknak an tuar zo.

(Visited 228 times, 1 visits today)

Comments

comments

2 Comments

  1. Thawmlian Bawi says:

    aw
    thla kan cam nat sat tul

  2. Pathian lawng rinsan uh!

Comments

%d bloggers like this: