Malaysia Ah Chin Mi 2 Kum 20 Tiang Thlawngthlak Thei Dinhmun Thleng

Malaysia ih um Chin mi pahnih pawl cu palik pa nawhthuh pek ih an tlon ruangah rorelnak ah an thuhla rel dingin thuṭhennak zungah an thlen. An thuhla vekih dantat an si ahcun kum 20 tiang thawngtlak thei dinhmun an si.

Lalnunsangi, kum 20, le Peter Thang Maung, kum 35 te pahnih cu June 9, 2017 ah Pahang State, Temerloh khua palik pa in a kaiih an luat theinak dingah tiin Rm 400 an pek. Palik pa cun hithu ruangah thubuai tuahsak in a kai haiih cutin an pahnih thuhla cu rorelnak ah thlen asi.

Lalnunsangi, hi rawl dawr ah khengkholh ih hnaṭuanmi a si ih Peter Thang Maung cu inn sak lam ih hnaṭuan a si.

Lalnunsangi cu Palik pa Muhammad Amirullah Pauzi in kai hmaisa ih a ni cemzo mi ACR (Alliance of Chin Refugees) card a si ruangah kaih ding dinhmun a si. Palik pa ih kaihnak ihsi talsuak thei dingin Peter cu bawm a dilih cutin kaih tong mi an si.

An thuṭhensak an si ahcun kum 20 thawngtlak lole nawhthuh an pek mi hnakih a let 4 tam, RM 10,000 tiang kuan thei din hmun an si.

Tuini ah an thuhla relnak ah ṭonglettu lam harsatnak ruangah July 13 ni ah an thuhla relfel sal a si ding.#

Sirhsan – Theihlei

(Visited 807 times, 1 visits today)

Comments

comments

Comments

%d bloggers like this: