Malala In Noble Peace Prize Ngah

an pahnih
Nunau le nauhak pawl fimthiam zir theinak ding hrang cangvaitu Pakistan fala tleirawl Malala Yousafzai cu tuikum hrang Noble Peace prize a ngah thu Noble committee pawlih thuthang suahmi vekin theih a si.

Cuih Noble Peace Prize cu India ramih nauhak covo hrang cangvaitu “Kailash Satyarthi” timi pa thawn kopaw ih an ngahmi a si.

Noble prize ngahtu thuanthu hmuahhmuah ah kum nauhakbik lawmman ngahtu Malala cu atu hi kum 17 lawng a si.

Kan dung july thla sungah a kum 16 kim hminsinnak ah UN ah thusimnak a nei ih Malala cun, “Nahak pakhat, Zirhtu pakhat, cabu pakhat le kalawng tluankhat cu leilungpi thlengh danglam theitu an si” tiin a sim. Malala kum 16 kim hminsinnak ah July 12 ni hi “Malala Day” tiin UN in ni an khiahsak.

Pakistan tlawngta tleirawl Malala cu fimthiamnak lam ih cangvai in hna a țuan ruangah October 9, 2012 ah tlawng feh ding Bus sung ihsi a suah zawngah Pakistan hrambun Taliban pawl cun meithal thawn a lu ah an kapih hliam nasa zet a ngah.

Cutin meithal thawn kah a tuar nan na nunnak a cem loih hliam nasazet a ngah ruangah Britain ramah kuat a siih surgery tuah a si. Surgery an tuah hnu in Britain ramah fimthiamnak a zir peh.

Malala cu fimthiamnak hrangah ralțha takih a cangvaih ruangah kan dung kum khalah Europe hotu pawlin “EU Sakharov ” timi milai covo lawmman an rak pe.

Source : The Irrawady Burmesse

Comments

comments

Comments

%d bloggers like this: