Nunthuleng Lalnu Mai Sokhlei Par Singapore Le Malaysia Ih Chin Mipi Tlawng Ding

431742_3289633001368_1180853020_nNunthuleng ngantu Mai Sokhlei Par cu a rei hlanah Singapore le Malaysia ih Chinmi pawl umtudan hliakhlai  (research tuah) dingin a tlawn tum thu CT palai hnen ihsin thu don a si.

Mai Sokhlei Par in Malaysia setting thawn a rak ngan mi ‘parcel’ thu nunthuleng “Thang Sung Va” cu Malaysia ih suah mi The Chin Times Journal  in bungpeh nunthuleng in a thla telih an rak suah hnuah, Vankau Arsi Mekazin ah bungpeh thothoin December 2011 ihsin bung khatnak suahsal a si. Cumi a rak siar ngahtu Pu Thawng Uk Thang (Aa Thawng) le Pi KM Thluai te nupa cun amah Mai Sokhlei Par rori Malaysia feh ih ngan an duhsak ruangah an sponsor mi a si tiah theih a si.

Sponsor petu Aa Thawng le anupi KM Tluai te cun, “Kannih nupa cu Singapore le Malaysia hi tu le tu kan thlen tikah khitawkih Chinmi pawl dinhmun tampi kan rak thei. Mai Sokhlei Par kan rak theih hlan ihsin cangan thiam si sehla cu hi thuhla pawl hi ka ngan tengteng ding nan tiah saduh ka rak that theu. Cuisin Vankau Arsi Mekazin ah “Thang Sung Va” nunthuleng kan rak siar ngah. Cule kan nupa in Mai Sokhlei Par thawn biakawknak kan neih tikah amah rori va feh dingin tha kan rak pe. Anih khalin a cohlang ih cucun passport kan tuah cih si ko. Kan theih ban cinah cun amah hi kan sunmang famkimter theitu ding a si tin kan zum,” tiah a sim.

Cun Aa Thawng cun, “Yangon ihsin Singapore ah kan lut hmaisa dingih, cuisin Malay ah feh vivo kan tum. Ni ziat a caam ding ti mi cu a research tuah mi a theh theidan parah a thumaw ding. Kannih nupa cun a feh/tlunnak tuanvo laksak ti lo bak cu thu neihpi kan tum lem lo; amah le a remcang dan izirin thil a feh ko ding. Singapore le Malay ih um Laimi pawl in a research tuahnak hrangah theitawp ih rak bawm vialvo dingin zangfah kan hei dil duh a si,” tiah a sim bet.

Cun Pi KM cun, “Thang Sung Va ka rak siar laiah amah rori a va feh ah ka rak ruat. Asinan amah ka suh tikah ka feh dah lo in ti cu mak ka ti tuk. A thlen dah lonak hmun le a ton dah lo mi thuhla pawl hitluk ngan thei cu.. amah rori va thlengin va hmu sinsin sehla cu kan Chin mipi hrangah le, ahleicein kan calai hrangah ziangtluk hlawknak a tam ding tin kan ruat. Kannih nupa cu ram le miphun hrangah tuah thei mi kan nei lo, asinan a tuah theitupawl thapek hi cu kan tumtah mi a si ringring. Hmailam khalah amah vek ram le miphun hrangih pumpe thei le micungcuang pawl somdawl phah vivo kan tum a si,” tin a sim ve.

Aa Thawng le KM tei nupa hi hlasak thiam Steven Lian in Pu No Than Kapih phuah mi hlapawl a rak sak mi “An Liam” DVD rak suahsaktu (producer) khal an si.

Hi thuhla thawn pehparawin Mai Sokhlei Par in, “Hivek duhsaknak ka co hi ka hrangah cun mangbangza ngaingai a si. Ca ka ngannak kum 20 a kim kum ah hivek hamthatnak ka co ngah hi ka hrangah special ngaingai. Diktei sim cun cangan hi ka paih zet nan sumpai, thazang le caan a cem tuk tikah le professional ih hman theih mi a si lo tikah beidong in colhsan ka rak tum can a tampi. Asinan ruahbanlopi in hivekih sunsaktu le sumpai tampi cem ih bawm duhtu an rak um hi ka lungawi rualrualin mak ti loin ka um thei lo. Aa Thawng le KM tei nupa parah ka lungawidan tla ka sim thiam lo. Anmah vek lungput neitu tampi um sehla cu kan miphun tu hnakin kan thangso tengteng ko ding. Hivek duhsaktu ka ton tikah hmailam ka cangan vivonak hrangah thazang thar tampi ka ngah ih, ahleicein in rinsan vek le in beisei vekih tuansuak theitu si dingin thla ka cam,” tiah a thinlung sung thuthup a sim.

Cun CT ihsin mipi hnenah ziang thucah na nei duh ti mi thusuahnak parah, “Kei cu khilam vei khat hman thleng dah lo ka si ih, ziangvek thu ka zingzoi dingih, ziangvek thu ka theih a tul ti tla ka thei lo ding. Curuangah an dinhmun, harsatnak, nuntu khawsakdan le thil ziangkim ka theih tul mi hmuahhmuah kha a hmun um pawl sawnin in rak sim, in rak khihhmuh ih in rak bom ka tul rori. An parah ka rinsannak tampi ka tthum. Sumpai le caan tampi cem ih feh ding ka si tikah sumpai cem man le caan cem man

hla sehla ka duh. Cumi te kha CT ihsin damkham in ka hei dil cia duh. Cule khitawk um Chinmi pawl ton ding tla ka hngakhlap tuk,” tiah Mai Sokhlei Par cun CT palai hnenah a sim.

Cule hivekih nunthuleng hrang research tuah ding roriih ram dang tlawn ding thu ah ziangvekin na feel ti mi thusuhnak parah cun, “Nunthuleng hrang research tuah ding roriih ram dang va tlawng cangantu hi Chinmi sung lawngah siloin, rampi huap khalah mi tampi an um hrih ka zum lo. Ka hrangah a sunglawi tuk lawmmam. Khatlamah ka lungawi in ka phuur tuk cingin, khatlamah cun ka phur tla a rung rit luailo vekin ka theiaw. In sponsor-tu le mipi pawlin in rak beisei vekin ka ngan suak thei lo pang ding ti le, khilam um mipipawl ih ai-ka awh thei ngaingai pei maw, cangantu pakhat ih tuanvo ka hlensuak ngaingai thei pei maw tivek kha ka ruat ih ka phur a rit ngaingai. Asinan Pathian in ka tul mi ziangkim in khawkhansak in in pe ding tiah ka zum. Cule ziangtlukin ka ngan famkim thei ding ti mi ah cun a hmun umpawl in ziangtlukin in sim, in bawm thei ding ti mi par khalah tampi a tthumaw tin ka ruat. Ka rel thei mi umsun cu, ka ti thei zatih thabik in ka zuam ding ti mi lawng a si hrih,” tiah a sim bet.

Mai Sokhlei Par Singapore a thlen ding can cu theihfiang a si hrih lo nan, January ni 31 asilole February ni 6 hrawngah a si ding tiah theih bet a si.

Curuangah CT Media Group ihsin Malaysia ih um Falam Refugee  Organization (FRO) hnatuan upa, Lai Christian Fellowship (LCF) hruaitu pastor, Falam Christian Community (FCC) hruaitu pastor le Falam Christian Fellowship (FCF) hruaitu pastor pawl in mah le theitawk ciar in Chin mi numi lak sung ihsin kan neihsun nunthuleng  ngan thiam  Mai Sokhlei Par cu caan pek in pawlkom nak nei ding ah zaangfah a dil bet fawn a si.

Comments

comments

20 Comments

  1. Sponsor tu te par ah Malaysia in Mai Shokhlei Par ngai na tu kan lungawi ……….

    Nunthuleng lalnu

    WELL COME TO MALAYSIA

    bawm thei tawk kan lo bawm ding ho khaw..

    cung

  2. Salai Vanruah says:

    Lungawi um ngaingai si aaa….

    A khualtlawnnak lamtluan ah Pathian in lamhruai vivo hram seh.
    Kan hnen a ra thlen tikah a cangthei tawkih BUSY ko ih rak tuah dingin kan ralring asi…:)

    Ipoh, Malaysia.

  3. A va sunglawni in a va ropi lawmam ve. Sponsor petu tei insang Lalpa Pathian in thlawsuah pe vivo hramseh. Mai Sawkhleipar khal Chin mipi hrang par sin hramseh. A lam tluang hrang thlaza camnak in kan bawm ding. MSHP zuam sin aw…na par a mawi, Chin mipi in kan tlan, na zuamnak pawl kan hlawk pi in kan tlai zet thangthar nonawn in.

  4. Kei khal Malaysia le Singapore cu ka feh ve cak nasa.
    In huraitel ve sehla ka duh viau nan.
    In sponsortu le an um ve fawn si lo.
    Ka fehlo men a tul ding si hi

  5. Mai Sokhlei Par hi, rak duat hlerhhlo auhla maw…

    U Parte, dam le tluangten Pathian in lo kilhim vivo hramseh.

  6. Si lawnti aw Zodai ZIlthli.
    Malaysia le Singapore lam ih kan unau pawl in an rak duak tuk ko ding.
    An mah rori in an kawhmi a si ih an rak duat tuk ih thik tlak lam asi sawn ding.
    Malaysia le Singapore ih um kan unau pawl parthi te thawn nan rak hmuak lo hman ah mithmai tha te thawn tal in na rak hmuak hram ding aw.

  7. Zodai Zilthli says:

    Salai Zilthli simmi kha a dik si. Mai Zilthli LNT & Matluang kha nan timtuah aw ?êl?êl zo maw? Lei dai lo vantawng loin, nan inn hlumah rak thlen auhla….
    Hehehe…

  8. U Par!
    Na liangpar ih a thummi thil(?) hi a rit zet ding.
    Tuni tiang Mai Sokhlei Par(Chinland Rose) si dingih lam a lo hruaitu na biak Pathian in lam lo hruai hram seh!!!
    Tuitum na research trip ruangih na hmuhsuah mi thu pawl tui kum sung ah na remcang lo hmanah ni nikhat ah cun kan siar ngah leh ko ding ti beiseinak ka nei.

    Pu Aa Thawng and family,
    pe theitu si ding ih thlawsuah a lo pe tu Pathian in nan tuah nan tuannak par ah thlawsuah bawngmalza lo sawm vivo in miphun hrang ih pe siang sin sin tu si nan si theinak ding ah thlaza kalo cam sak..

    Lianno
    Aizawl

  9. Tluangten Pathian in hruai hram seh law.

  10. Ziangsaw a va ti zik. Spore le Malay tivek cu an feh rero a sisi, cutiih a va tuahzikmi ropi a um cuang si lo maw, mak lo tuk thu hlrih ciamco thiampawl cu Mizo an si kan tinan, kanmah laimi khal kan si ve. Spore le Malay tivek men, Vanram kai/feh ding thupi sawn.

    CT pawl nan thu hlahmi a mak tuk aw…

  11. khual tlawng ciamco can a si nawn lo, kan caan a nai tuk zo. Mai’ innsang cio ah nupi tthatthum pasal tthatthum si caan, leitlun caan tawite sungah FAMILY thupibik.

  12. A tlun ih an ngan bang in, FRO/FPM, LCF, FCC, ACR, FCF hotu pawl khan thuthup nei lo in rak sim in rak khih hmuh hai sehla, a hnatuan le a tumtah mi cu a hlawhtling ko ding. Cule Malaysia le Singapore ih um Chin fahniang te pawl khal in a mah ton theinak tikcu can rak timlam in ni khat pum share awknak tla nei thei sehla cu vakvaitu Chin Fahnaing pawl ih thuantho roling, tefa sin pawl ih thei ringring ding mi, kan harsatnak pawl hi fiang puppo in a lang ding. tiah zumnak ka nei.. Aw, ka hngilh zikte…, sumpai lam ih tan rak latu Pu A Thawng tei sung parah ka lungawinak tarlang ve ka duh.. ka lungawi !!!

    Maram (Salai Mitthli )

  13. Zilthli Lal Nei Thluai says:

    ka duhdawt le upat zetmi U Par
    Na fehnak lamtluannak Bawipa’n lam lo hruai in na tumtahmi a tak in kimter hramseh. A lo sponsetu innsang kha ka upat tuk. an lungput ka uar tukss. An mah vek lungput neitu kan chinmi lakah tam sinsin hramseh. Bawipa’n thlawsuah malsawn a let a za in pe hramseh.

    @Zodai Zilthli. Ma Tluang thawn kan rak ralring nasa tuk ho khaw. Ka rak Welcome tumdan pawl hman U Par ka sim thluhzo. Nan ti vek in kan rak duat nasa ding ho khaw.

  14. Zilthli Lal Nei Thluai says:

    Mai Sokhlei Par. Singapore ihsin lungawi sopar te’n kan lo hmuak

  15. Pu Aa Thawng le Pi KM Thluai
    Nan ruahnak a sunglawi in nan tuah tthatnak hi upat tlak ngaingai nan si .

    Mai Sokhlei Par ka lo lungawipi…

  16. Mai Sok Hlei Par cu ton ka va cak ve…. Pathian lamhruainak thawn a tum ram a thlen theinak dingah thlaza campi cio uhsi…

  17. Eheu! a va lungawi um ve.
    Athawng tei nupa nan ti tha tuk.
    Hivekin mi neinung pawl ih kan miphun hrangah nan teimaknak a ropi ka ti tuk.

    Parte, Pathian a tha. Na tumtahmi tluangten Bawipa sunlawinak thotho a si.
    Na ngan theh tikah lemcangtu kan hawl tul ding….Thlacamnak thawn le….

  18. U Par,

    Ka lo lungawipi tuk.
    “Pattamyar hman yin nun ma nit buu” timi hi hihi si ko.
    Theh le U Aa Thawng te nupa ih lungput ka duh tuk.
    Kan miphun lak ah talented canganthiam le hivek nupa thuruat thiam tampi Pathian nih in thlawsuah sinsin seh.
    U Aa Thawng te nupa par ah tla ka lungawi tuk..mi cawisang dan an thiam.

  19. Pingback: | Zohthimtlak

Comments

%d bloggers like this: