Mai Siang Em Mawi MBBS Leh CT Hmaiton

Dr. Siang Em Mawi Leh CT

Hmin        : Siang Em Mawi
Duhkawh    : Emte
Pasal        : Nei lo
Suah Ni    : January 2, 1989
Suahnak     : Tahan, Kalay Myo
Pa Hmin    : Ngun Khuai @ Mg Bah
Nu Hmin    : Kap Lian Cuai @ Aate
U Nau        : 4 – U mipa 3, Nautabik
Zirnak    : University of Medicine, Mandalay

CT    : Kum ziat na tiin phunhrek(tlawng) na kai thawk ih ziangtik kum ah phunhra na awng? MBBS the ziangtik ah na thehsuak.
Emte    : Kum 5 ka ti ah phunhrek ka kai thawk ih 2005 kum ah Phunhra ka awng ih MBBS hi University of Medicine, Mandalay ihsin ka zir suak.

CT    :  Phunhra na theh laiah na duh hril theinak in ziangmi poh khal zir thei na si ti kan theiih ziang ruangah MBBS hi na zir kherkher?
Emte    : Si ee, kei cuh Doctor hnatuan hi ka uar tuk ruangah  tleng thei dingin, Phun 8 ka kai ih sin, Pathian hnenih ka dil mi a si. Ka Nu leh ka pa leh zumtu pawl ih thlacam pinak ruangah a si.

CT    :  Hitivek ih MBBS Degree ngah thei dingin ziang tluk zuamnak le tumruhnak na rak nei? Kan Laimi ah lole ram dangmi zohthim mi na nei maw?
Emte    :  Dr.Than Bil Luai hi kan Chin mi ih kan rinsanmi leh kan duhdawtzet mi a si ih, kei hrangah cun, ka zohthim bik mi pakhat khal a si. Mina a zoh dan leh a kilkhawi dan hi ka uar zet.  A ni vekin ka tuanthei lo hmanah, kan Chin mi hrangah maltel tal ka thathnemnak nei ve ding hi ka tumtahnak leh ka zuamnak hrampi pakhat a si.

CT    : MBBS na theh suah thei tiang ih na zirnakah ziangmi zawnte ah harsatnak hleice na tuar?
Emte    :  Ziangkhal awl-aiten ngah a si lo ruangah, keimah tawkte cun, harsatnak siar cawk lo cu ka tuar ve nasa. Ih-that hi ka paih tuk hi, ka hrang ahcun harsatnak tumpi pakhat a si ve…Haha

CT    :  Chin mi pawl Kawl lakah zirnak lam ziang tluk dinhmun kan si in na thei?
Emte    :  Kan Chin mi pawl hi ka zum ai in kan thluak a tha nasa. Sinan, zuamnak leh tumruhnak hi hnamdang ai in kan nei mal tuk in ka hmu.

CT    :  Chin nu na si ruangah na zirnak lamah thleidan awknak na tuar maw?
Emte    :  Pathian zangfahnak in cuvek pawl cu ka tuar lo. Chin mi cu hnamdang pawl in in rak duhdawt thei zet sokhaw.

CT    :  Kawlram hin Democracy diktak ngah in kan ram (Chin ram) in zalennak hmu sehla ziangtin na can hman na tum?
Emte    :  Kan can hman dan ding cu ka thei thiam hrihlo. Pathian thu thu a si.

CT    : Beunakhawl (refugee) dinhmun in ramdang ih um mi kan Laimi siarcawklo pawl hi ziangtin na hmu?
Emte    : Ka thin a nuam lo zet. Malaysia ah Palik tih ih an um theu hi Malaysia ka tlawnglai ah ka hmu tikah ka zaang an fak tuk. Ka ruah suah mi cu kan ram ah mai duhvek ih zalennakleh tuantheimi um thei sehla cun, mah leh inn sang, u le nau, sungkua thawn nuam zet ih um an duh zet ding ti ka ruah sak. Ni khatkhat ah kan ram ah cuvek ni sunglawi thlengin mah leh inn sang duhkim cio ih um thei ni um hramseh ti cu ka duh thusam a si.

CT    : Na ninghan can ah ziang na tuah theu, na lungawi le aipuan can ah teh?
Emte    : Ka ninghan can le ka lungawi canah Pathian ka thangthat theu. Culen hlasak le thilei hi ka thin in ti nuam thei nasa ? Hlasak thiam cu ka si lo nan…. 🙂 ha.ha.ha

CT    : Hmailam can ah Laimi/Chin ram hrangah ziangmi tumtahnak na nei?
Emte    : Pathian rem a ti ih ka zirnak ka kai peh vivo thei ahcun, ka thei zat ih thathnemnak neih thei ding cu ka duh thusam leh ka tumtah mi khal a si.

CT    :  Laitlang/Lairam ah ziangtluk hardamnak lamah tan kan lak tul in na hmu? Ziangvekpawl a thupi hleice ah na ruat?
Emte    :  Nasa zet ih tan kan lak a tul lai. Kan Laitlang ah mimal neihmi (Private) Sizung khal a mal zet ih Doctors khal kan mal lai zet. Cun, kan Chin mi pi kan zaten tu hnak in harhdamnak lam thupi ah ret thiam ding hi kan thupi pakhat a siin ka ruat ih, harhdamnak lam ca pawl hi theitawk in siar ve seh la kan thathnem pi phah zet ding tiah ka ruat.

CT    : Kawlram thlengawknak a tuah rero mi in zirnak lamah hmasawnnak a suah pi ding na zum maw?
Emte    :  Aw kan ram a that ahcun, zirnak lam khal a that ve vivo ding ti cu ka zum ko.

CT    :  Ramsung ih zirsuak na si ruangah nangmah le nangmah tlasamnak nei hleicein na thei aw maw?
Emte    :  Aw, tlaksam mi cu a tam nasa lai, tucu zianghman ka si hrihlo ka zirsuak pek lawng a si hrihlai, Pathian in rem a ti ahcun specialist kai ka tum vivo lai.

CT    :  Kawlram sivai lam ih a that hleicenak in hlawm thei hram pei maw? A tlaksamnak pawl thawn?
Emte    : A that hleicenak tiih rel ding cekci cu ka rel thiam lo nan, kan ram ih sibawi  inzirhtu kan saya pawl hi an mai Specialist ahcun an thiam ka ti tuk. Amahlawngte, tuamhlawm awknak thuamhnaw leh hriamhrei hi cu ramdang ai in kan tlaksam lai nasa.

CT    : An sim mi bangaw lo celcel lakah harhdamnak hrangah ziangmi a thupibik tin nang teh in na ruat ve?
Emte    :  Kei ka ruahnak ahcun thinlung neh leh, mah le mah uk aw (control) thei khal hi a thupi in ka ruat.

CT    : Mi si na dawh hmaisabik ah ziangvek thinlung le tuarnak na nei?
Emte    : A hmaisabik cu ka kur nasa. Kei mah ruangah pa khat khat a cang pang ding ti ka phang zet.

CT    : Sibawi tuan thlang ding na sivekin ziangmi na hreh bik?
Emte    : Hreh mi ngai ngai cu ka nei lem lo.

CT    :  Ziangvek rawl na ei tambik ih ziangvek rawl na ngaina bik?
Emte    : A thaw mi hmuah hmuah cu ka duh thluh ko. A hleice in kan lairawl ka duh bik. Ramdang tleng kan laimi pawl khalin, Lairawl cu an ngai bik ko ding tin ka zum.

CT    : Duhdawtnak hi ziangtin na irawm suakin na sim fiang ve ding, na anka kan thei duh?
Emte    : Mi pakhat kan duhdawt tak tak ah cun, a mai that nak lawng kan duhdawt si lo in, a mai tlaksamnak khal kan theihthiam awk thei hi, duhdawt nak tak tin ka ruat.

CT    : Na pasal dingih na sunmang?
Emte    : A hmaisabik ah Pathian tihzah tu, kei mah in duhdawt tak tak tu le ka nu le pa sung le khat duhdawt thei tu ding hi ka sungmang a si. Pathian in pek a si len, mi mawi leh tha, mipiang verver a si len ka el lem lo hokaw. Hahaha…! 🙂

CT    : Thangthar nonawn, fala tlangval pawl le tui tlawngkai rero nau le pawl hrangah ziangmi sim duh mi le thazang pek duh mi na nei?
Emte    : Pathian tihzah cu fimnak hram thawknak a si ti hi kai hnget sehla. Culen mai paih zawng (Hobby) le hmaitinmi (ambition) thei fiangih zuam ding hi a si.

CT    : Cuti a sile mipiang verver pawl leh mi dangdang ih an lo pehtlai duh tikah ziangtin an lo pehtlai thei ding ?
Emte    : FB – Siang Em Mawi, Mail – tessemte@gmail.com, Ph – (+951) 503065

(Visited 269 times, 1 visits today)

Comments

comments

23 Comments

  1. Emte;
    5000 kha Kawlram ka ra tik le ka lo pe leh ding maw. Ka hngilh ring ring ih Joseph ruangah sokhaw. (Capo).

    Na interview tla ka siar ngah ih ka hnangam zo tucu. hmmm

  2. Zohtthimtlak taktak a si. Kan lo lungawipi tuk…Lainu zuam sinsin uh…

  3. Mai Emte
    Thu leh dan na thiam in siar a nuam na sa
    Ka lo uar na sa. Nu nau rori hivekin na zuamih kan miphun sunlawihtu pakhat na si hrimhrim hi ka lo upat tuk. Zuam vivo aw. Kan miphun hrangah pathian in lo hmang vivo hram seh.

  4. Thian Lian Sang says:

    Hi vek ih cathiam le tumruh nei kan Chin mi sungih sin tampi suak vivo seh.
    Asut tu a let tu nan thiam tuk.

  5. Dr. Emte, pa pawl thindam ter dan tla na thiam tuk ual heheee, Alan tla khi a tul lo pi pi a phawrh vooo vo thlang khi (capoh)

    Pathian kutcak in na zin lo hruai vivo seh la, Kan Chin miphun tidam tu ah lo hmang seh.

  6. CT : An sim mi bangaw lo celcel lakah harhdamnak hrangah ziangmi a thupibik tin nang teh in na ruat ve?
    Emte : Kei ka ruahnak ahcun thinlung neh leh, mah le mah uk aw (control) thei khal hi a thupi in ka ruat.

    Na sang thiam riai. Ka ruah lo daan in na sang thiam.

  7. Emte,

    Na zir thiamnak hi Bawipa sunlawinak ah sihramseh.

  8. Pu William N.Lyan @ Liante Pa Atl/Ga. says:

    Dr.Siang Em Mawi Ct interview na thuhla ka rak siar ih na zuam nak le thusuh mi pawl na leh mi tla an mawi zet. Kan lo lawm nasa.Hmailam ah kan Chin mi pawl zoh thluh tu ding ah Pathian in lo cawisang vivo hram seh.

    Na Nu le Pa ih an lo taimak pi nak khal kan lawm nasa.Na pa cu in duhdaw zet ih 36th street Y.gn ah in ra leng theu.Na pu Lal kam Lo (Ticirh khua) khal sungkhat aw hlir kan si Kan lo lawm nak phaihleng hla na nu le pa hnen ah in rak seh sak aw hen 1.)- Vun sim pawrh hlang e kan hrin hniang kawl siangpahrang pa vun tai v e tin, Sumva bawi bang lung rawn khua mi hin lenpar kan tlan cio lo kem

    Emte, A cang thei len Na pa.kha kan biak ban nak a um thei maw.Kan nih tufang
    Atlanta,GA ah ka um ka cell 404-573-7778 a si tiah in sim sak hram aw.
    lungawi.Liante pa/atl.Ga

  9. U emte congatulations, hitivek in a sung lawi zet mi buaih na ngah thei ih a tha tuk. Pathian in lo thlawsuah sinsin hram seh.. Cun tlawng na kai pehnak ding na tumtah mi hrang khal ah hlawhtling nak ngah hram ding in kan pathian in lo thlawsuah hramseh. Kan lai mi phun hrangah pathian in lo hmang hramseh! Lung awi um tuk doctor tla kan nei vivo thlang ih pathian in kan lai mi a thlawsuah vivo hi, kan zuam ih kan ttan vivo tul kan hnam, kan ram, kan miphun hrang.

  10. Zodai Zilthli says:

    Mai Emte,

    Na hlawhtlinnakin kan Chinram le miphun, nasat zetin a cawisang ih a lungawi um hleicè.

    Nangmah fehtlangin kan Chinmi farah zawnzai mangbang harsapawlin Thinlung, Taksa, Thlarau ah a famkimmi damnak an rak co theinak dingah Pathian in lo hmang vivo hrâmseh tiah duhsaknak sangbik ka lo hlan.

  11. Emte

    Thaten zuamna sa aw Pathian le kan miphun hrangah
    mitangkai zet na si lai ding

    suan na um riai.

  12. stephenbawi says:

    Mrs Emte,
    Thank you for getting MBBS,that God had given you to help fatherless in Chin land.I want to talk with you face to face when I’m reading your news.may God bless you abundantly for willing to have a pure heart to help the need of Chin people.
    with much thank

  13. Te…..kalo sunsak tuk aww…..kan miphun,ram hrangah thla a muang in mi na kam nasa..:) Pathian na ttih zah theu nak leh harhdamnak thawn na peh par ter mi ”thinlung neh leh, mah le mah uk aw (control) thei khal hi a thupi ” na ti mi ka uar tuk……Godbless u!!!

  14. Dr Emte mina zoh kildan lawng na thiam ding hmang ka ti ih thinlung muril le tuardan tla na thei tak ual…
    ka duhnasa himi na leh dante hi… Suttu khal le sut fuh nasa….”Mi pakhat kan duhdawt tak tak ah cun, a mai that nak lawng kan duhdawt si lo in, a mai tlaksamnak khal kan theihthiam awk thei hi, duhdawt nak tak tin ka ruat.”

  15. Aw,

    Mithiampawl kha tonsuhnak neih vivo ding………

    ka siar ih thazang ka ngah nasa……….

    dam lo thlang sehla teh a ttha pei maw tiah ka ruat rero..heeeee(capoh)

  16. Emte,

    Na interview ka siar cu ka hni nasa..

    Na harsatnak tumbik cu ‘ ih that ” maw a rak si…..hahaaa

    Ca zoh phat cun sing ngah nan,

    Sidawt phat cun sing ngah nawn lo maw …khah :):)))))

  17. Nau Emte ka lo lungawipi tuk…hmailam caan khal ah hi hnak ih sang in Pathian in thlawsuah lo pek sin hramseh…kan Chin miphun cawisangtu si vivo hram.

  18. Nau Emte ka lo lungawipi tuk.Hmailam caan khal ah Pathian ih thlawhsuah lo pe in lo umpi sin hram seh..kan Chin mipi hruai kaitu si vivo hram.

  19. Emte

    Na hlawhtlinnak parah kan lo lungawi pi. Pathian in lam lo hruai vivo hramseh.
    Kan Chinmi hrang lawng silo in Leitlun mi hmuah hrangah Pathian in lo hmang vivo hramseh.

    Pa Bawi & Nu Par

  20. maa Emte,

    ka tlangval lai in tong ngah lo cu aw…na hmel leh na thinlung ka duh ci nasi. in hmu aw la in duh ve ding nan ‘tidai bungcia suah kir a theih nawn si lo ih le’…

    mi damtertu ‘taksa, thinlung’ rak si hram..

  21. NAU emte
    na hlawhtlinnak parah ka lungawi tuk…na hmailam can hmaanlai ding khalah pathian in lo tanpi hramseh,ka nu le pa pawl par khalah tampi lungawi nak ka nei,
    nau kalungawi tuk …..

    Cite.

  22. Nu Em…..

    Aizawl lam ih na u nau pawl khal in kan lo lawm pi tuk hokhaw
    Pathian in lam lo hruai vivo seh
    Chin mi hrang nu tling tha si kum khua law
    Harsat nal le buai nak lak khal ah neh tu tha bik si ringring aw

    Na u liante

  23. U Emte

    Phun le Hnam a cawisang tu c vivo ding ah thla za ka lo cam sak.

Comments

%d bloggers like this: