Mai Far Men Par Hlasak Vivo Thei Lai Pei Maw!

CT | 4 September

Aizawl : Kan Chin mi Pathian thangthatnak lawngah ka awzai ka hmang ding titu Mai Far Men Par cu a dang, a aw bawm ih sernung a um ruangah sibawi pawl in hlasak cawl hrih dingin an sim.

Asinan Mai Far Men Par cun Pathian rinsannak thawn Pathian thangthat hlasak bansan a tum lo thu tuizing ah CT palai thawn an biak awknak ah a sim.

Mai Far Men Par cun ‘Tuizarh sung rongbawlnak kan nei ih hmaizarh khal kan nei peh bet ding. Mipi hlasak ahcun ka au theilo, rualpi khal reipi ka be theilo.

Ka aw khal a phirin a suakcan a um theu; ziangvek a sikhalle Pathian in tuahtheilo mi a neilo a mah thangthathlasak cu ka bang cuang lo ding’ tiin CT palai thawn an biak awknak ahcun a sim. Ram dangdang ih um Chinmi zumtu pawl ih thlacamnak thawn in rak bawm cio uh ti khal cun a sim.

Tu vek dinhmun a si vivo ahcun nehhnu ahcun a hlasak khal a cawlh a tul men ding tiin an khawmnak ih a hlasak ngaitu hmintarlang duhlo cun CT palai hnenah a sim ve. A awsuak Pathian in a hmang ticu phat ding a um lo sinan a aw cu a tlaniam vivo in ka thei ti khal cun a sim bet.

(Visited 462 times, 1 visits today)

Comments

comments

7 Comments

  1. A va pawi em, hi thu hi ka rak theizo,Ka rak comments dah lo, Pathain in a lo ti dam thei ti ka thei ka um nak ih thlaza ka lo cam pi, Na aw kan ngai khawp lo Pathian hmel langnak ah cang hramseh tin thlaza ka lo cam pi

  2. Pathian in damnak lo pe hram seh!
    Na aw te ka ngai ringring.

  3. Thlacamnak ah kan lo mang ding.
    Pathian in damsaunak lo pe sawn seh.
    A rang lam in na dam ding.

  4. A aw Pathian hrangih a pe tu cun a tisiatsak lo ding.
    Pathian in a hrangah tumtahnak a nei sawn a si.

  5. A vapoive, Pathian sunparnak langtertu ah sawn sihram seh! Thlacamnak in kan lo ttanpi sokhaw..,

  6. Na thu hla thei tu hmuahhmuah in thlaza kan lo cam pi.Na dam tha sal ding.

  7. Poi tuk.hmai lam ah pathian in hla sak thei sal ding in bawm hram seh tha za ka cam.

Comments

%d bloggers like this: